Menu
Geri İrəli

Əkrəm Əylisli “Xalq yazıçısı” adından və prezident təqaüdündən məhrum edildi

Müəllif: sumqayitxeber.com • Tarix: 7 Fevral 2013 • Baxış sayı: 233 dəfə • Şərh yoxdur

Azərbaycan Respublikasının Prezidenti İlham Əliyev xalq yazıçısı  Əkrəm Əylislinin Azərbaycan Respublikası Prezidentinin fərdi təqaüdündən  və “Xalq yazıçısı”  adından məhrum edilməsi barədə sərəncamlar imzalayıb.

 

Lent.az-ın AzərTAC-a istinadən verdiyi məlumata görə, dövlət başçısı böhtan dolu əsəri ilə Azərbaycan tarixini məqsədyönlü şəkildə təhrif edən Əkrəm Əylislinin Azərbaycan Respublikası Prezidentinin fərdi təqaüdündən məhrum edilməsi barədə ictimaiyyətin, o cümlədən Ermənistan-Azərbaycan Dağlıq Qarabağ münaqişəsi nəticəsində qaçqın və məcburi köçkünə çevrilmiş soydaşlarımızın çoxsaylı müraciətlərini nəzərə alaraq Əkrəm Əylislinin Azərbaycan Respublikası Prezidentinin fərdi təqaüdündən məhrum edilməsi barədə sərəncam verib.

 

Əkrəm Əylislinin “Xalq yazıçısı” adından da məhrum edilməsi barədə sərəncamda qeyd edilir ki, Azərbaycan Respublikasının müstəqillik illərində dövlət mükafatlarına layiq görülmüş Əkrəm Əylisli  xalqın ona göstərdiyi yüksək etimaddan sui-istifadə edərək, son əsərində Azərbaycanın tarixi ilə bağlı gerçəklikləri Azərbaycan yazıçısı adına yaraşmayan şəkildə təhrif edib. Azərbaycan xalqının antihumanist obrazını formalaşdırmağa cəhd göstərən, onu ümumbəşəri dəyərlər sisteminə zidd əməllərdə əsassız günahlandıran müəllifin xalqımızın ruhuna yad tərzdə yazdığı bu əsərdə Ermənistan-Azərbaycan Dağlıq Qarabağ münaqişəsinin mahiyyəti saxtalaşdırılaraq, uzaq və yaxın tarixi keçmişimizə qara yaxılmış, münaqişə nəticəsində doğma yurdlarından didərgin düşən bir milyondan çox soydaşımızın mənliyi təhqir edib. Dövlət başçısı Azərbaycan Respublikasının “Xalq yazıçısı” fəxri adını ləkələmiş bir şəxs kimi Əkrəm Əylislinin bu addan məhrum edilməsi barədə dövlət strukturlarının, ictimai qurumların və vətəndaşların çoxsaylı müraciətlərini nəzərə alaraq onun “Xalq yazıçısı” fəxri adından məhrum edilməsi barədə sərəncam verib.

 

Facebook Şərhləndirmə:

Şərhinizi yazın