Menu
Geri İrəli

İş adamı özünü 1 milyon manata görə güllələyib – TƏFƏRRÜAT

Müəllif: sumqayitxeber.com • Tarix: 11 Aprel 2013 • Baxış sayı: 295 dəfə • Şərh yoxdur
Aprelin 10-da axşam saatlarında Abşeron rayonu ərazisində dəhşətli intihar hadisəsi baş verib. Abşeron rayon Polis Şöbəsindən verilən məlumata görə, Bakı-Şamaxı yolunun 50-ci kilometrliyində, yolun kənarında 1974-cü il təvəllüdlü Məmmədov Bəxtiyar Barat oğlu özünü “Vinçester” markalı odlu silahla güllələyərək intihar edib. B.Məmmədov özünə məxsus 90 RA 353 dövlət qeydiyyat nişanlı “AUDİ Q-7” markalı avtomobildə həyatına qəsd edib.
***
Bu arada Abşeron rayonu ərazisində baş vermiş dəhşətli inyiharın səbəbi məlum olub. Abşeron Rayon Polis İdarəsindən verilən məlumata görə, sement biznesi ilə məşğul olan Bəxtiyar Məmmədov külli miqdarda borcu olduğuna görə özünü öldürüb. Ailə üzvlərinin bildirdiyinə görə, onun 1 milyon manatdan artıq borcu olub.
Hadisə baş verən gün Bəxtiyar qardaşına zəng edərək özünü öldürməyə getdiyini deyib. Qardaşı da özünə məxsus “Nissan-Patrul” markalı maşınla Bəxtiyarın olduğu “Audi Q7” markalı maşının arxasından gedib. Qardaşı arxadan Bəxtiyara çataraq maşını saxlamaq və bu yolla da onu intihardan çəkindirmək üçün əlindən gələni edib.
Hətta Bakı-Şamaxı yolunda “Nissan”la Bəxtiyarın maşınını yan tərəfdən sıxaraq saxlamağa məcbur edib. Uzun sürən ötüşmədən sonra qardaşı Bəxtiyarın “Audi”sini sıxaraq yoldan kənara çıxarıb və dayandırmağı bacarıb.
Maşından düşüb Bəxtiyara tərəf qaçsa da, o, maşının qapılarını və şüşələrini bağlayıb. Bəxtiyarın “Vinçester”i çıxararaq özünü öldürmək istədiyini görən qardaş onun ölümünün qarşısını almaq üçün hər şey edib. Şüşəni sındırmaq, qapını açmaq üçün yerdən daş, dəmir parçası axtarana kimi Bəxtiyar istədiyini edə bilib.
O, silahın lüləsini ürəyinə dayayaraq qardaşının gözü qarşısında atəş açıb. Şüşəni sındıran qardaş qan içərisində olan Bəxtiyarı xəstəxanaya çatdırsa da, gec olub, o artıq yolda keçinibmiş.
Hazırda faktla bağlı istintaq gedir. Hadisə zamanı “Audi” və “Nissan” markalı maşınlar da əzilib./milli.az/
Facebook Şərhləndirmə:

Şərhinizi yazın