Menu
Geri İrəli

“Texnikabank”ın sabiq rəhbəri barədə cinayət işinin istintaqı başa çatdı, Sumqayıt filialında isə…

Müəllif: sumqayitxeber.com • Tarix: 28 Fevral 2013 • Baxış sayı: 203 dəfə • Şərh yoxdur

 

“Texnikabank”ın Müşahidə Şurasının sabiq sədri Etibar Əliyev, Yasamal filialının həbsdə olan sabiq müdiri Azər Cəfərli, filialın sabiq müdir müavini Elnur Seyidov və digərlərinin cinayət işi üzrə ibtidai istintaq başa çatıb.

 

Vəkillərin cinayət işinin materialları ilə tanış olması mərhələsi yekunlaşıb və cinayət işinin materialları təsdiq üçün Baş Prokurorluğa göndərilib. Yaxın günlərdə cinayət işi üzrə materiallar baxılmaq üçün məhkəməyə göndəriləcək.

Qeyd edək ki, həmin şəxslər Cinayət Məcəlləsinin 178 (dələduzluq), 308 (vəzifə səlahiyyətlərindən sui-istifadə), 313 (vəzifə saxtakarlığı), 320 (rəsmi sənədləri, dövlət təltiflərini, möhürləri, ştampları, blankları saxtalaşdırma, hazırlama, satma və saxta sənədlərdən istifadə etmə) və digər maddələri ilə ittiham olunurlar.

Onu da qeyd edək ki, E. Əliyev bir müddət əvvəl xəstəliyi ilə əlaqədar həbsdən buraxılıb. Onun barəsində başqa yerə getməmə haqqında qətimkan tədbiri seçilib.

Təqsirləndirilənlərdən E. Seyidov isə AXCP sədri Əli Kərimlinin qaynıdır.

“Texnikabank”ın rəhbərliyi ilə bağlı cinayət işi başlayanda bankın Sumqayıt filialı rəhbərinin də vəzifəsini itirəcəyi proqnozlaşdırılırdı. Ancaq məlumat üçün bildirək ki, bankın bu filialında heç bir dəyişiklik yoxdur.

Facebook Şərhləndirmə:

Şərhinizi yazın