Bu gün səhər saatlarında Şirvan şəhərində yol-nəqliyyat hadisəsi baş verib.
APA-nın yerli bürosunun xəbərinə görə, Şirvan-Salyan marşrutu üzrə hərəkət edən mikroavtobusla “Şirvan oil”ə məxsus xüsusi qurğulu “KamAZ” markalı yük maşını toqquşub.
Nəticədə mikroavtobusda olan 15 sərnişin müxtəlif bədən xəsarətləri alıb. Onlar xəstəxanaya çatdırılıblar.
Faktla bağlı araşdırma aparılır.
Qeyd edək ki, martın 11-də Yevlax rayonu ərazisində orta məktəb şagirdlərini daşıyan mikroavtobus da qəzaya uğramışdı. Nəticədə 15 şagird və 2 müəllim yaralanmışdı.