Azərbaycanda “Delta” ştammının yayılacağı ehtimalı böyükdür.
Trend-in məlumatına görə, bunu tibb üzrə fəlsəfə doktoru Vasif İsmayıl deyib. Bildirib ki, bu dalğanı yüngül keçirmək üçün peyvəndləməni sürətləndirmək vacibdir:
“Ay yarım müddət ərzində biz 2 milyon insanı peyvəndləyə bilsək, “Delta” ştammı Azərbaycanda çox da yayıla bilməyəcək. Yox, əgər geciksək və peyvəndləməni indiki sürətlə aparsaq, Azərbaycanda yeni dalğa Rusiyadakı kimi olmasa da, Gürcüstan səviyyəsində yayıla bilər. Gürcüstanda bu gün gündəlik yoluxma sayı 1000-ə yaxınlaşıb”.
Ekspert yeni dalğa yayılsa, qapanmalara gedilə biləcəyini də istisna etməyib.