Bu yay Azərbaycanda 45 dərəcə isti gözlənilir – Quraqlıq proqnozu

279

Bu il Azərbaycanda yay quraqlıq keçəcək, havanın temperaturu isə 45 dərəcəni keçə bilər.

Bu barədə  ekoloq, Milli Ekoloji Proqnozlaşdırma Mərkəzinin rəhbəri Telman Zeynalov məlumat verib.

Bildirib ki, havanın quraqlıq keçməsi qorxuludur:

 “Ola bilər ki, 35 dərəcəyə kimi isti olsun, amma yağış yağmasın. Bu, qorxuludur. Bunun üçün yaşıllıq zolaqları yaradılmalıdır”.

Telman Zeynalov qeyd edib ki, Azərbaycanda yayda havanın temperaturu 45 dərəcəni keçə bilər:

“Bu proqnoz avqust və sentyabr ayı ərzində olacaq”.

Ekoloq 2030-cu il Azərbaycanda su qıtlığının olması barədə yayılan xəbərlərə də aydınlıq gətirib.

Qeyd edib ki, bu informasiya yanlışdır:

“Bəzi “alimlərimiz” BMT-nin verdiyi məlumata görə bu cür açıqlama verirlər. Bu, düzgün deyil. BMT-nin məramı sülhü qorumaqdır, iqlimə proqnoz vermək onların işi deyil.  Azərbaycan ərazisində irili-xırdalı 8347 axar sudan ibarət çay sistemi var. Onları səmərəli istifadə etmək lazımdır. Bir sözü deyən zaman əsas olmalıdır”.

www.sumqayitxeber.com

Kateqoriyalar:
Etiketlər:
Şərhlər

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Facebook Şərhlər
Bənzər Xəbərlər