Milli Məclisin deputatı Emin Hacıyev Yeni Azərbaycan Partiyası Sumqayıt şəhər təşkilatındakı qərargahında növbəti dəfə vətəndaşların qəbulunu keçirdi, seçicilərlə görüşdü.

YAP Sumqayıt şəhər təşkilatının qərargahında keçirilən görüş zamanı Sumqayıt sakinləri ilə fərdi qaydada görüşən deputat Emin Hacıyev onların müraciət və təkliflərini dinləyib, qayğıları ilə maraqlanıb.

Seçicilər tərəfindən səsləndirilən müraciətlər əsasən, işlə təminat, əlillik vəziyyətinin qiymətləndirilməsi, mənzil-məişət şəraitinin yaxşılaşdırılması və digər məsələrlə bağlı oldu.

Müraciətlərin bir hissəsi yerindəcə həllini tapdı, digər müraciətlər isə deputat səlahiyyətlərinə uyğun nəzarətə götürülərək həll edilməsi üçün aidiyyati qurumlarla əlaqə yaradıldı.