Azərbaycan Pespublikası Milli Məclisinin deputatları Müşfiq Məmmədli və Müşfiq Cəfərov 44 günlük Vətən müharibəsində canından keçmiş Gəncə şəhərində yerləşən Azərbaycan Texnologiya Universitetinin məzunları Kərim Rövşən oğlu Əhmədəliyev , Ruslan Ramiz oğlu Məmmədovun ailələri ilə görüşüblər.
Şəhid ailələri ilə birlikdə Sumqayıt şəhidlər xiyabanında dəfn olunan vətən oğulları ziyarət olunub. Görüşdə Vətən müharibəsində qazanılmış Qələbədə Azərbaycan Ordusunun əsgər və zabitlərinin, qazilərin, şəhidlərin rəşadətindən, müasir tariximizin şanlı qəhrəmanlığından söhbət açılıb. Dövlətimizin və xalqımızın hər zaman şəhidlərin əziz xatirəsini uca tutacağını, şəhid ailələrinin həmişə dövlətimizin diqqət və qayğısı ilə əhatə olunacağını bir daha vurğulanıb. Şəhid ailələri öz növbəsində bu qələbənin Azərbaycanın tarixində qızıl hərflərlə yazıldığını, bu tarixin bir parçası olan qəhrəman övladların valideynləri olduqları ilə qürur duyduqlarını söyləyiblər. Prezidentin şəhidlərimizə verdiyi qiyməti, onlara olan ehtiramının böyük mənəvi dəstək olduğunu bildiriblər.
Qeyd edək ki, görüşdə həmçinin universitetin prorektoru Vüqar İsmayılov, Qafqaz Müsəlmanları Ruhani İdarəsinin Sumqayıt, Abşeron , Xızı bölgəsi üzrə təmsilçisi, Sumqayıt Cümə məscidinin imamı Rauf Sərdarov da iştirak edib.
