Menu
Geri İrəli

Bakıda polis vətəndaşa görə canından keçdi

Müəllif: sumqayitxeber.com • Tarix: 4 İyul 2015 • Baxış sayı: 602 dəfə • 1 şərh

z13Zaur Nurəliyev 40 gün əvvəl ata olmuşdu.

Bakıda polis əməkdaşı dənizdə batıb.

Oxu.Az FHN-in saytına istinadən xəbər verir ki, Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Bakı şəhəri, Xəzər rayonunda dənizdə batmış 1 nəfərin axtarışlarına Fövqəladə Hallar Nazirliyinin dalğıc-xilasediciləri cəlb olunub.

APA TV-nin məlumatına görə, batan şəxsin polis əməkdaşı olduğu üzə çıxıb.

Məlumata görə, o, Suraxanı rayon Mühafizə İdarəsinin əməkdaşı Nurəliyev Zaur Zakir oğludur.

Çavuş vəzifəsində çalışan Zaur Nurəliyev Xəzər dənizinin Şüvəlan qəsəbəsi hissəsində batan ər və arvadı xilas etməyə çalışıb.

O, qadını xilas etsə də, qadının ərini xilas edə bilməyib və özü də batıb.

Oxu.Az-ın əldə etdiyi digər məlumata görə, dənizdə Batan Zaur Nurəliyev İsmayıllı rayonunun Buynuz kəndindəndir. Onun cəsədi artıq sudan çıxardılaraq, dəfn edilmək üçün doğulduğu rayona aparılıb.

Bildirilir ki, vətəndaşlar küləkli havada dənizdə çimərkən boğulmağa başlayıblar.

Öz növbəmizdə qeyd etmək istərdik ki, edilən çoxsaylı xəbərdarlıqlara baxmayaraq, vətəndaşlarımız çimmək qadağan olunan hava şəraitində də suya girməkdən çəkinmirlər və belə hallar insan ölümü ilə nəticələnir.

Onu da əlavə edək ki, dənizdə boğulan Zaur Nurəliyev 40 gün əvvəl ata olmuşdu.

Facebook Şərhləndirmə:

“Bakıda polis vətəndaşa görə canından keçdi” yazısına bir cavab

  1. qonaq deyir:

    allah rehmet etsin qardawima mekani cennet olsun . o erle arvadi hec vaxt bagiwlamayacam . Zauru her kes sevirdi. FHN dan hec bir dalgic suya girmedi utanmadanda deyillerki biz tapdiq. cesedi oz gucumuze tapdiq

Şərhinizi yazın