Menu
Geri İrəli

Sumqayıtda oğluyla birləşib bacısını qətlə yetirən şəxs MƏHKƏMƏ QARŞISINDA

Müəllif: sumqayitxeber.com • Tarix: 22 Avqust 2016 • Baxış sayı: 1,066 dəfə • Şərh yoxdur

mehkemeBu gün Bakı Ağır Cinayətlər Məhkəməsində Sumqayıtda bacısını öldürməkdə təqsirləndirilən Şahbaz Xəlfəyev və onun oğlu İslam Xəlfəyevin cinayət işi üzrə məhkəmə prosesi başlayıb.
Lent.az-ın məlumatına görə, hakim Əfqan Hacıyevin sədrliyi ilə keçirilməli olan prosesin təxirə salınmasına dövlət ittihamçısının məhkəmədə iştirak etməməsi olub.
Proses  avqustun 30-na təyin edilib.
Qeyd edək ki, bu il yanvarın 18-də Sumqayıt şəhəri, Ə.Vahid küçəsi, 39 saylı evin yaxınlığında üzərində zorakılıq əlamətləri olan naməlum qadın meyitinin aşkar edilməsi barədə Sumqayıt Şəhər Polis İdasinə daxil olmuş məlumat əsasında dərhal hadisə yerinə baxış keçirilməklə zəruri prosessual hərəkətlər yerinə yetirilib və faktla bağlı şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Polis və prokurorluq orqanları tərəfindən həyata keçirilən təxirəsalınmaz istintaq-əməliyyat tədbirləri nəticəsində meyitin Sumqayıt şəhər sakini, 1947-ci il təvəllüdlü Rəfiqə Ağayeva olması müəyyən edilib, həmçinin cinayətin Sumqayıt şəhər sakinləri, 1961-ci il təvəllüdlü Ş.Xəlfəyev və onun oğlu 1991-ci il təvəllüdlü İ.Xəlfəyev tərəfindən törədilməsində kifayət qədər əsaslar olduğundan onlar, şübhəli şəxs qismində tutularaq istintaqa cəlb ediliblər.
İstintaq zamanı R.Ağayevanın yanvarın 17-də saat 23:00 radələrində məişət zəminində aralarında yaranmış mübahisə zamanı qardaşı Şahbaz və qardaşı oğlu İslam Xəlfəyevlər tərəfindən küt alətlə çoxsaylı xəsarətlər yetirilərək qəsdən öldürülməsi müəyyən edilib.
Xəbərdən istifadə edərkən istinad etmək vacibdir.

Facebook Şərhləndirmə:

Şərhinizi yazın