Menu
Geri İrəli

“Etilen-polietilen” zavodunda təmir işləri sentyabrın sonunda yekunlaşdırılacaq

Müəllif: sumqayitxeber.com • Tarix: 18 Avqust 2017 • Baxış sayı: 307 dəfə • Şərh yoxdur

SOCAR prezidenti Rövnəq Abdullayev Sumqayıt şəhərində olub, “Azərikimya” İB-nin “Etilen-polietilen” zavodunda aparılan əsaslı təmir və modernizasiya işlərinin gedişi ilə tanış olub.

SOCAR-dan “APA-Economics”ə verilən məlumata görə, SOCAR prezidentinə məlumat verilmişdir ki, avqustun 10-dan zavodda əsaslı təmir işlərinə başlanılıb və bu işlər 20 sentyabr Neftçilərin peşə bayramı günü ərəfəsində yekunlaşdırılacaq. 40 gün davam edəcək əsaslı təmir zamanı icra olunacaq tədbirlər planı SOCAR prezidentinə təqdim olunub, görüləcək işlərin təsnifatı müzakirə edilib.

Bildirilib ki, “Etilen-polietilen” zavodunda “TECHNİP İTALY S.p.A.” şirkəti tərəfindən icrasına start verilib və 2019-cu ilə qədər mərhələli şəkildə həyata keçiriləcək layihələr çərçivəsində mövcud texnoloji qurğular modernləşdiriləcək, yeni qurğular və yardımçı sahələr inşa olunacaq, bununla da müəssisənin istehsal gücü artırılacaq, “SOCAR-Polimer” layihəsi çərçivəsində Sumqayıt Kimya Sənaye parkında tikilən Polipropilen və Polietilen qurğuları xammal ilə təmin ediləcək, nəticə etibarilə də ölkənin bu məhsullara tələbatı ödəniləcək, ixrac potensialı gücləndiriləcək. Eyni zamanda texnoloji prosesin stabil və təhlükəsiz istismarının gücləndirilməsi, xammal və hazır məhsulların keyfiyyətinin yüksəldilməsi təmin olunacaq.

Sonra SOCAR prezidenti şirkətin balansında olan “Kimyaçı” Mədəniyyət Sarayına gələrək, burada aparılan əsaslı təmir və yenidənqurma işlərinin gedişi ilə tanış olmuş, tapşırıq və tövsiyələrini verib.

presum-000 presum-003

Facebook Şərhləndirmə:

Şərhinizi yazın