“Mən artıq sağalmaq üzrəyəm”,- deyə bilərəm. Heç şübhəsiz ki, bu, həkimlərimizin, tibb işçilərimizin zəhmətinin nəticəsidir”.
“Report” xəbər verir ki, bunu koronavirusa yoluxan deputat Sahib Alıyev özünün “Facebook” hesabında yazıb.
“Geyimlərindən yadplanetlilərə bənzəyən bu insanlar davranışları ilə doğmadan da doğma planetlilərdirlər. Təsəvvür edin ki, yayın bu istisində əyinlərində skafandrabənzər geyimlə 8 saat müddətində yemək yeməmək bir yana, bir damla belə su içmədən ağzınadək xəstələrlə dolu olan klinikada hər kəsin qayğısına qalmaq, hər bir xəstə ilə mehriban davranmaq sadəcə peşəkarlığa yox, həm də insanlığa bağlı məsələdir. Bu fədakarlıqdır!”, – deputat bildirib.
Qeyd edək ki, S.Alıyev “Yeni Klinika”da müalicə alır.