Menu
Geri İrəli

AZAL reyslərində Samsung Galaxy Note 7 smartfonlarının daşınmasını tam qadağan edib

Müəllif: sumqayitxeber.com • Tarix: 21 Oktyabr 2016 • Baxış sayı: 421 dəfə • Şərh yoxdur

481650“Azərbaycan Hava Yolları” QSC-nin (AZAL) reyslərində “Samsung Galaxy Note 7″ smartfonlarının əl yükündə və qeydiyyatdan keçən baqajda daşınması qadağan olur.

“Azərbaycan Hava Yolları” QSC-nin mətbuat xidmətindən Milli.Az-a verilən məlumata görə, bu qərar ABŞ-ın aviasiya hakimiyyəti, eləcə də bütün dünya üzrə digər sərnişin aviadaşıyıcıları tərəfindən analoji qadağadan sonra qəbul edilib.

Əl yükündə smartfon aşkarlandığı halda telefon sahibi smartfonu yola salan tanışlarından birinə verməyənədək sərnişinin təyyarəyə minməsindən imtina edilə bilər, çünki aviaşirkət hava limanında saxlama xidmətləri vermir.

Əgər smartfon təyyarənin salonuna bilmədən keçirilibsə, onu dərhal söndürmək və uçuşun başa çatmasınadək söndürülmüş vəziyyətdə saxlamaq lazımdır.

Əgər həmin smartfon baqajda aşkar olunarsa, o reysə yüklənməyəcək və sərnişinin tələb etməsinədək hava limanında itirilmiş baqaj bürosuna (Lost & Found) göndəriləcək.

“Azərbaycan Hava Yolları” QSC-nin mətbuat xidməti qeyd edir: “Biz başa düşürük ki, təyyarənin göyərtəsində bu telefonun istifadəsinə qadağa sərnişinlərdən bəzilərində narahatlıq yarada bilər, lakin “Azərbaycan Hava Yolları” üçün prioritet ilk növbədə göyərtədə təhlükəsizliyin təmin edilməsidir”.

Facebook Şərhləndirmə:

Şərhinizi yazın