Menu
Geri İrəli

Azərbaycana gələn hər 3 xarici turistdən 1-i bu ölkənin vətəndaşıdır

Müəllif: sumqayitxeber.com • Tarix: 17 Noyabr 2017 • Baxış sayı: 238 dəfə • Şərh yoxdur
Share Button

turist-9Rusiya vətəndaşları Azərbaycana gələn xarici turistlərin sayına görə liderdir. Son vaxtlar qonşu ölkəyə tur axını sürətlə artır.

Bu barədə Rusiya mətbuatı yazıb. Turizm.Fins.az Reporta-a istinadən xəbər verir ki,Azərbaycanın Mədəniyyət və Turizm Nazirliyinə istinadən yayılan məlumata görə, bu ilin yanvar-sentyabr aylarında ölkəyə xaricdən 2,27 milyon turist gəlib. Bu isə ötən ilin eyni dövrü ilə müqayisədə 20,1% çoxdur.

Xarici turistlərin tərkibində Rusiya vətəndaşları üstünlük təşkil edib. 9 ay ərzində Azərbaycan şimal qonşusundan 727 577 nəfəri qəbul edib ki, bu da bütün xarici turislərin 32%-i deməkdir.

Növbəti yerlərdə Gürcüstan (439 305 nəfər), İran (320 904 nəfər), Türkiyə (249 210 nəfər), Birləşmiş Ərəb Əmirlikləri (81 742 nəfər), İraq (54 242 nəfər), Ukrayna (49 809 nəfər) və Səudiyyə Ərəbistanı (31 821 nəfər) qərarlaşıb.

Rusiyanın turoperatorları bildirir ki, Azərbaycana səfər edən turistlər bu ölkəyə daha çox səyyah kimi, qismən isə ezamiyyət və işgüzar çərçivədə gedir. Bununla yanaşı, Azərbaycan Rusiya vətəndaşlarının klassik turla da getdiyi populyar ölkələrdən biridir və bu ölkəyə axın getdikcə artır. 2017-ci ildə dinamika 7% olub.

“Rusiya vətəndaşları Azərbaycanda, təşkil olunmuş istirahətə üstünlük verir. Onlar otel bron edilməsi, aviabilet və sığorta alınması məsələləri ilə məşğul olmaq istəmir. Üstəlik turpaket əldə etməklə səyahət fərdi səyahətdən ucuz başa gəlir”, – deyə Rusiyanın milli turoperatonunun təmsilçisi bildirib.

Bundan başqa, onun sözlərinə görə, Rusiya turistləri Azərbaycanda daha çox çimərlikləri ilə məşhur Novxanı, Şıx və Bilgəh kimi kurort qəsəbələrinə maraq göstərir. Bu yerlərdə 1 həftə dincəlmək qidalanma daxil olmaqla turistlərə 35 min rubla (təxminən 1 000 manata) başa gəlib.

Bununla yanaşı, dünyada analoqu olmayan Naftalan nefti də qonşu ölkənin turistlərinin marağındadır. Bu şəhərdəki sanatoriyaya baş çəkənlər 14 gün qalırlar.

Qış mövsümündə, Yeni İl ərfəsində isə Rusiya vətəndaşları Bakıya gəlməyə, eləcə də Şahdağ Qış-Yay Turizm Kompleksinə getməyə üstünlük verir.

Facebook Şərhləndirmə:
Share Button

Şərhinizi yazın