Menu
Geri İrəli

Əli İnsanovun adı əfv siyahısına salındı

Müəllif: sumqayitxeber.com • Tarix: 17 Fevral 2017 • Baxış sayı: 466 dəfə • Şərh yoxdur

eli insanoÖtən gün Azərbaycan Respublikasının Prezidenti yanında Əfv Məsələləri Komissiyasının iclası keçirilib. İclasda əfvlə bağlı müraciətlərə baxılmasına başlanılıb.

Novruz bayramı ərəfəsində əfv sərəncamının imzalanacağı gözlənilir. Məlumatlara görə, həmin vaxta qədər daha bir neçə iclas keçiriləcək və 800-dən çox müraciətə baxılacaq.

Qeyd edək ki, prezident İlham Əliyevin Pentensiar Xidmətlə bağlı verdiyi son sərəncamda da cəzaların hümanistləşdirilməsi nəzərdə tutulur.

Bəs hazırlanan əfv siyahısında Əli İnsanov, İlqar Məmmədov və digər siyasi məhbusların adı varmı?

Birgə İşçi Qrupun üzvü, hüquq müdafiəçisi Novella Cəfəroğlu cəbhə.info-ya açıqlamasında deyib ki, bütün siyasi məhbusların adı əfv siyahısına salınıb:

“Əli İnsanov, İlqar Məmmədov və digər siyasi məhbusların adı əfv siyahısına salınıb. Biz gözləyirik ki, əfv Novruz bayramı ərəfəsində reallaşacaq. Hər-halda müzakirələr davam edəcək və siyahı ölkə rəhbərliyinə təqdim olunacaq. Hansı qərarların veriləcəyini indidən demək çətindir”.

Facebook Şərhləndirmə:

Şərhinizi yazın