Menu
Geri İrəli

Ögey anası tərəfindən öldürüldüyü deyilən oğlanla bağlı RƏSMİ AÇIQLAMA

Müəllif: sumqayitxeber.com • Tarix: 1 Dekabr 2017 • Baxış sayı: 166 dəfə • Şərh yoxdur
Share Button

Baş Prokurorluq bəzi kütləvi informasiya vasitələrində yayılan xəbərlərə münasibət bildirib.

Prokurorluğun mətbuat xidmətindən Lent.az-a daxil olan məlumatda bildirilir ki, Qusar rayonunun Hil kənd sakini, 2000-ci il təvəllüdlü Daşdəmirov Nəsrəddin Radik oğlunun guya ögey anası tərəfindən döyülərək aldığı xəsarətlərdən Qusar rayon xəstəxanasında vəfat etməsi barədə həqiqətə uyğun olmayan məlumatlar dərc edilib:

“Həmin informasiyalar Baş Prokurorluq tərəfindən qəti şəkildə təkzib olunur və bununla əlaqədar bildiririk ki, N.Daşdəmirov 2 oktyabr 2017-ci il tarixdə ağır vəziyyətdə “ağ ciyərlərin infiltrativ vərəmi, tənəffüs çatmamazlığı” diaqnozu ilə Bakı şəhərində yerləşən Elmi-Tədqiqat Ağciyər Xəstəlikləri İnstitutuna daxil olmuş və xəstəyə müvafiq tibbi yardımların göstərilməsinə baxmayaraq 3 oktyabr 2017-ci il tarixdə orada vəfat edib. Faktla bağlı Nizami rayon prokurorluğunda tam, hərtərəfli və obyektiv araşdırma aparılmış, zəruri prosessual hərəkətlər yerinə yetirilib, o cümlədən məhkəmə-tibbi ekspertizası təyin edilib. Ekspertizanın rəyi ilə müəyyən edilib ki, N.Daşdəmirovun meyiti üzərində hər hansı bir xəsarət aşkar edilməmiş, onun ölümünə səbəb ağciyərlərin iki tərəfli virus mənşəli fəsadlaşmış, irinli hemorragik pnevmoniyası ilə əlaqədar baş vermiş kəskin tənəffüs çatmamazlığı olub. Mərhumun ölümü ilə bağlı cinayət hadisəsi olmadığına görə rayon  prokurorluğunda 3 noyabr 2017-ci il tarixdə cinayət işinin başlanmasının hissəvi rədd edilməsi haqqında qərar qəbul edilib. Həmçinin, N.Daşdəmirovun ögey anası tərəfindən döyülməsi ilə bağlı məlumatların araşdırılması üçün material ərazi aidiyyəti üzrə Qusar rayon prokurorluğuna göndərilib və hazırda həmin hissə ilə bağlı tam, hərtərəfli və obyektiv araşdırma aparılır”.

Facebook Şərhləndirmə:
Share Button

Şərhinizi yazın