Menu
Geri İrəli

Saat 17:00-dan Bakıda bu yollar bağlı olacaq

Müəllif: sumqayitxeber.com • Tarix: 12 May 2017 • Baxış sayı: 444 dəfə • Şərh yoxdur

Bu gün IV İslam Həmrəyliyi Oyunlarının açılış mərasimi ilə əlaqədar artıq saat 17:00-dan başlayaraq Bakıda bir sıra yollarda nəqliyyatın hərəkəti məhdudlaşdırılacaq, istiqamət dəyişdiriləcək. Virtualaz.org bildirir ki, bu barədə Bakı Şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədov məlumat verib. V.Əsədov qeyd edib ki, avtomobillərin hərəkəti ilə bağlı bu tədbir İslam Həmrəylik Oyunlarında təhlükəsizlik tədbirlərinin yüksək səviyyədə təmin edilməsi məqsədilə planlaşdırılıb. V.Əsədov bildirib: “”Azneft” meydanı, Neftçilər prospekti, Y.Səfərov küçəsi, Heydər Əliyev prospektindən Sabunçu dairəsinədək olan hissə, eləcə də bu əraziyə bitişik, kəsişən, paralel yollar üzrə hərəkət məhdudlaşdırılacaq, istiqamət dəyişdiriləcək. Qismən və fasilələrlə Bakı-Salyan yolunun 14-cü kilometrliyindən 3-cü kənar yol istiqamətində, 20 Yanvar dairəsi adlanan ərazidə də hərəkət istiqaməti dəyişdiriləcək. Hava limanı, Bakının kənd və qəsəbələri istiqamətinə hərəkət edənlər isə bu gün Bakı-Hövsan, Balaxanı-Zabrat- Maştağa istiqaməti üzrə hərəkət edə bilərlər. IV İslam Həmrəyliyi Oyunlarının açılış mərasimi zamanı tamaşaçılar saat 18.00-dan 21.00-dək, bağlanma mərasimi zamanı isə saat 17.00-dan 20.00-dək 3 ekspress xətt üzrə seçilmiş istiqamətlərdən – metronun “20 Yanvar”, “Gəncllik”, “Qara Qarayev” stansiyalarından Bakı Olimpiada stadionuna çatdırılacaq. Mərasim bitdikdən sonra isə tamaşaçılar stadiondan 3 ekspress xətt üzrə seçilmiş istiqamətlərdə – metronun “20 Yanvar”, “Gənclik” və “Qara Qarayev” stansiyalarına daşınacaq. Metronun “Qara Qaryev” stansiyasından X1, “Gənclik” stansiyasından X2 və “20 Yanvar” stansiyasından X3 ekspress avtobusları Bakı Olimpiada stadionuna tamaşaçıları daşıyacaq”. Şöbə rəisi paytaxt sürücülərinə İslamiadanın açılış mərasiminin keçirilməsi ilə əlaqədar təhlükəsizliyin təmin edilməsi məqsədilə bir sıra küçə və prospektlərdə hərəkətin məhdudlaşdırılması, eləcə də istiqamətinin dəyişdirilməsini nəzərə alaraq şəxsi avtomobillərdən istifadə etməmələrini tövsiyə edib.

Facebook Şərhləndirmə:

Şərhinizi yazın