Menu
Geri İrəli

Sumqayıtda tanışlarının evinə basqın edən şəxslərin məhkəməsi başlayıb

Müəllif: sumqayitxeber.com • Tarix: 1 Avqust 2016 • Baxış sayı: 615 dəfə • Şərh yoxdur

mehkeme123esas

Bu gün Bakı Ağır Cinayətlər Məhkəməsində quldurluqda təqsirləndirilən Rafiq Həsənov və Sənan Kərimduxtun cinayət işi üzrə məhkəmənin hazırlıq iclası başlayıb.

“Report”un xəbərinə görə, hakim Eynulla Vəliyevin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.

Məhkəmənin baxış iclası avqustun 8-nə təyin edilib.

Qeyd edək ki, hadisə bu ilin fevral ayında Sumqayıt şəhərinin 45-ci məhəlləsində, 14 saylı binanın 93-cü mənzilində baş verib. Sumqayıt şəhər sakini, 38 yaşlı Rafiq Ramiz oğlu Həsənov yeyib-içdikdən sonra 27 yaşlı Sənan Vahid oğlu Kərimduxta quldurluq etməyi təklif edib. S.Kərimduxt əvvəl razılaşmasa da, sonradan təklifi qəbul edib.

Həmin şəxslər Ceyhun Məmmədovun evinə daxil olandan sonra onun əl-qolunu bağlayıb, evdən pul və qızıl-zinyət əşyaları aparıblar.

Hadisədən sonra Sumqayıt Şəhər Polis İdarəsinin əməkdaşlarının əməliyyat-axtarış tədbirləri nəticəsində R.Həsənov və S.Kərimduxt saxlanılıb.

Onlar Cinayət Məcəlləsinin 181-ci (quldurluq) maddəsi ilə ittiham olunurlar. Xatırladaq ki, zərərçəkən C.Məmmədov saxlanılan R.Həsənovun dostu olub. Saxlanılan şəxslər zərərçəkmişin evində 50 min manat olduğunu zənn edərək bu işə əl atıblar.

Facebook Şərhləndirmə:

Şərhinizi yazın