Menu
Geri İrəli

Xaricdə təhsil almış gənclərə ŞAD XƏBƏR: dövlət qulluğuna müsabiqədənkənar qəbul ediləcəklər

Müəllif: sumqayitxeber.com • Tarix: 23 May 2017 • Baxış sayı: 512 dəfə • 1 şərh

muellimler imtahanAzərbaycanda “Dövlət qulluğu haqqında” qanuna dəyişiklik edilir.

Milli Məclisdən Modern.az-a verilən məlumata görə, bununla bağlı “Dövlət qulluğu haqqında” qanuna yeni maddə əlavə edilir.

Əlavəyə görə, Azərbaycan gənclərinin xarici ölkələrdə təhsili üzrə müvafiq icra hakimiyyəti orqanı tərəfindən təsdiq olunmuş dövlət proqramı çərçivəsində xaricdə təhsil almış şəxslərin dövlət qulluğuna qəbulu zamanı bağlı bu qanunun 28.1-ci maddəsi (28.1 Dövlət qulluğuna qəbul müsabiqə yolu ilə aparılır. Müsabiqə test imtahanından və müsahibədən ibarətdir)  tətbiq edilmir.

Həmin şəxs vakant dövlət qulluğu vəzifəsinin aid olduğu dövlət orqanına müraciət edərək, tələb olunan sənədləri təqdim etməlidir. Sənədlər təqdim edildikdən sonra həmin şəxs 5 iş günü müddətində dövlət orqanının rəhbərinə təqdim olunur. Dövlət orqanının rəhbəri həmin şəxsi stajçı kimi qulluğa qəbul etməli və vakant dövlət qulluğu vəzifəsinə təyin etməlidir. Həmin şəxsin stajçı kimi qulluğu, habelə onun sınaq müddəti ərzində qulluq keçməsi və daimi dövlət qulluğuna qəbul edilməsi ilə bağlı məsələlər bu qanunun 28.7-ci maddəsi ilə tənzimlənir.

Qanuna dəyişiklik Milli Məclisin mayın 31-də keçirilən icalsında müzakirə ediləcək.

Facebook Şərhləndirmə:

“Xaricdə təhsil almış gənclərə ŞAD XƏBƏR: dövlət qulluğuna müsabiqədənkənar qəbul ediləcəklər” yazısına bir cavab

  1. esmer deyir:

    mektebi 3 qiymetiyle bitirb xaricde attestatla qebul olub pul hesabina oxuyanlara da aiddir?

Şərhinizi yazın