“Sumqayıt”ın və milli komandanızın gənc çərçivə qorucusu Səlahət AğayevSportinfo.Az-a verdiyi müsahibəsində zədəsinin son durumundan, eləcə də komandasının uğursuzn çıxışından danışıb.
– Zədən artıq sağalıb?
– Bəli, demək olar sağalıb. Dünən zədədən sonra kollektivlə birgə ilk məşqə çıxdım
– “Rəvan”a qarşı növbəti tur matçında meydançaya çıxa biləcəksən?
– İnşallah hə. Hələ irəlidə daha dörd gün var. Hər şey qaydasındadır. Əgər belə dəvam etsə, “Rəvan”a qarşı çıxış edəcəm.
– Sən olmadığın dönəmdə “Sumqayıt”ın çıxışını necə dəyərləndirərdin? Səncə, yoxluğun hiss olunurdu?
– Xeyr, mənim yoxluğum hiss olunmadı. Mən olmayan müddətdə komanda çempionatda üç oyun keçirdi. Üçündə də Elçin Sadıqov çərçivəni qoruyub və deyərdim ki, mənim yoxluğumu hiss etdirməyib.
– Bəs, “Neftçi” ilə oyundakı 1:8 hesablı acı məğlubiyyət haqda nə deyə bilərsən? Həmin oyunda Anar Məhərrəmov qapıda dayanırdı.
– Bəli, “Neftçi” ilə oyunda çərçivəni Anar qoruyurdu. Çoxu 1:8 hesablı məğlubiyyətə görə, qapıçını günahlandırdı, amma, mən bununla razı deyiləm. Çünki həmin oyunda tək Anar yox, bütün komanda zəif çıxış etdi.
– Sentyabr ayından “Sumqayıt” qələbəyə həsrətdi. Uğursuzluğun bu qədər uzun olmasını nə ilə əlaqələndirərdin?
– Səbəbini bilmirəm. Bəlkə ola bilsin, zədəli oyunçular çox idi. Çünki stabil heyətlə meydançaya çıxa bilmirik.
– Zəif oyununuz buna səbəb ola bilməz?
– Oyunla bağlı heç nə deyə bilmərəm, bu sualı baş məşqçiyə verin.
– Son turlarda hakim səhvləri çoxalıb. Hakimlikdən narazı olan klublardan biri də “Sumqayıt”dır. Məsələn, AZAL və “Qəbələ” ilə oyunlarda penaltiniz verilmədi…
– Hakimlik bağlı heçnə deyə bilmərəm.
– Bəlkə bütün bunlar hakimlər tərəfindən “Sumqayıt”a qarşı qərəzdi?
– Xeyr, mən elə düşünmürəm. Çünki baxdıq və gördük ki, “İnter”- AZAL oyununda da hakim “İnter”in təmiz penaltisini vermədi. Hər bir insanda səhv olur. Hakim də insandı səhv edə bilər.
Əliheydər ZEYNALZADƏ