Salman Məmmədov Gennadi Şirinova 3 bıçaq zərbəsi endirib
Sumqayıt şəhərində qətl hadisəsi törədilib. Şəhərin 9-cu mikrorayondakı 21a\3 nömrəli evin qarşısında baş vermiş münaqişə zəminində Salman Məmmədov Gennadi Şirinovu 3 bıçaq zərbəsi ilə qətlə yetirib.
Sumqayıt şəhər Polis İdarəsindən ANS PRESS-ə verilən məlumata görə, hadisə iyunun 28-də baş verib. Bir-birilərini tanıyan dostlar yeyib-içdikdən sonra aralarında yaranmış mübahisəni bıçaqla həll ediblər. Şirinov aldığı xəsarətlərdən hadisə yerində ölüb.
Faktla bağlı Sumqayıt şəhər Prokurorluğunda Azərbaycan Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanıb, istintaq aparılır.