Sumqayıtda 29 yaşlı kişinin qətlə yetirilməsi faktı ilə bağlı cinayət işi başlanıb.
REAL APA-ya istinadla xəbər verir ki, ötən gün Tağıyev qəsəbə sakini, 1990-cı il təvəllüdlü Eldarov Şəhriyar Azad oğlunun naməlum şəxs tərəfindən bıçaqlanaraq qətlə yetirilməsi faktı ilə bağlı Sumqayıt Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.
Hazırda hadisənin törədən şəxs və ya şəxslərin müəyyənləşdirilərək tutulması istiqamətində əməliyyat-axtarış tədbirləri davam etdirilir.