1 nəfər yaralandı, möcüzə nəticəsində ölən olmadı
Bu gecə saat 00:05 radələrində Sumqayıt şəhəri 11-cü mikrorayon ərazisində ağır yol nəqliyyat qəzası baş verib. Lent.az-ın hadisə yerində olan müxbirinin verdiyi məlumata görə, mişar daşı ilə yüklənmiş “90 XA 368” dövlət nömrə nişanlı “KAMAZ” “20 BC 784” dövlət nömrə nişanlı “Vaz 21011” markalı minik avtomobillə toqquşub.
Nəticədə “Vaz 21011” yolun kənarına yuvarlanıb. Daha sonra ləngərlənən Kamaz “90 CP 570” dövlət nömrə nişanlı “Lexus” markalı minik avtomobilinin üzərinə aşıb.
“Vaz 21011”in 1986-cı il təvəllüdlü sürücüsü Əliyev Rəşad Mahmudağa oğlu yaralanıb və xəstəxanaya yerləşdirilib. “KAMAZ” sürücüsü və “Lexus”dakı sərnişinlər möcüzə nəticəsində qəzadan sağ-salamat qurtulublar.
Faktı Sumqayıt şəhər Polis İdarəsi təsdiq edib.
Fərid Əkbərov, İsak
