Menu
Geri İrəli

Azərbaycanda 30 min müəllim üçün həyəcanlı gözlənti

Müəllif: sumqayitxeber.com • Tarix: 2 Avqust 2017 • Baxış sayı: 440 dəfə • 1 şərh

600@0Test imtahanı davam edir

Müəllimlərin işə qəbulu üzrə müsabiqənin test mərhələsində 30 minə yaxın namizəd iştirak edib. Təhsil Nazirliyindən İstiPress-ə verilən məlumata görə, ümumi təhsil müəssisələrinə mərkəzləşdirilmiş qaydada keçirilən müəllimlərin işə qəbulu üzrə müsabiqənin test mərhələsi davam edir.

Namizədlər 90 dəqiqə ərzində ixtisaslarına uyğun olaraq ümumtəhsil məktəblərinin fənn proqramının məzmunu üzrə 40, metodika, təlim strategiyaları üzrə 10 və məntiq üzrə 10 sual olmaqla ümumilikdə 60 sualı cavablandırıblar.

Qeyd edək ki, müsabiqədə iştirak etmək üçün müraciət edənlərdən 47 min nəfərə yaxın şəxsin elektron ərizəsi təsdiq edilib.

İmtahanda iştirak edəcək müəllimlər www.miq.edu.az saytına daxil olmaqla  “Şəxsi səhifə” bölməsindən imtahanların keçiriləcəyi tarix və saat barədə məlumat əldə edə bilərlər.

İmtahana gələrkən müəllimlərdən özləri ilə şəxsiyyəti təsdiq edən sənədin əslini və bildirişi gətirmələri xahiş olunur.

İmtahanlar avqustun 5 -dək davam edəcək.

Müəllimlərin işə qəbulu üzrə müsabiqə 4 mərhələdə (elektron ərizədəki göstəricilərin qiymətləndirilməsi, test imtahanı, vakant yerlərin seçilməsi və müsahibə) təşkil edilir. Namizədlər vakansiya seçimini müsabiqənin test mərhələsindən sonra edə biləcəklər.

01-25.07.17-3

01-25.07.17-3
Facebook Şərhləndirmə:

“Azərbaycanda 30 min müəllim üçün həyəcanlı gözlənti” yazısına bir cavab

  1. Arif deyir:

    3-5 il dövlet müessisesinde tehsil alib müellim ishlemek ücün yeniden sinaga chekib ish vermek ancaq analoqsuz inkishafdan xeber verir. Bir mütexessisin diplomu varsa ve ish verenin qoydughu shertlere uygun telebati ödeyirse müsahibe edilib ishe götürürler bütün analoqu olan Avropa ölkelerinde.

Şərhinizi yazın