Menu
Geri İrəli

Nəticələr yaxın günlərdə AÇIQLANACAQ

Müəllif: sumqayitxeber.com sumqayitxeber.com • Tarix: 26 May 2014 • Baxış sayı: 246 dəfə • Şərh yoxdur

загруженное (1)

TQDK ali təhsil müəssisələrinin magistraturalarına qəbul imtahanının ikinci mərhələsini keçirmişdirTələbə Qəbulu üzrə Dövlət Komissiyası (TQDK) 2014-cü il mayın 25-də ali təhsil müəssisələrinin magistraturalarına qəbul imtahanının ikinci mərhələsini keçirmişdir. İmtahan Bakı, Gəncə və Naxçıvan şəhərlərində ümumilikdə 16 imtahan mərkəzində həyata keçirilmişdir. İmtahan bütün binalarda eyni vaxtda-saat 13:00-da başlanmış və 1 saat 30 dəqiqə davam etmişdir. Bütün imtahan mərkəzlərində imtahan təlimata uyğun keçirilmiş və bakalavrların öz bilik və bacarıqlarını nümayiş etdirmələri üçün zəruri şərait yaradılmışdır.Hazırda Komissiyada imtahan protokollarının və cavab kartlarının emalı aparılır, eyni zamanda yazı işlərinin yoxlanmasına başlanmışdır. Nəticələrin yaxın günlərdə elan olunması nəzərdə tutulur. Bakalavrlar imtahan nəticələri ilə TQDK-nın internet saytında və ya iş nömrələrini 7727 nömrəsinə göndərməklə tanış ola biləcəklər. Nəticələrin elan olunmasına dair ilkin məlumatlar səhifəmizdə veriləcək.Qəbul imtahanının ikinci mərhələsinin nəticələri elan olunduqdan sonra müsabiqə şərtlərini ödəmiş bakalavrlar 2014-cü il mayın 29-dan iyunun 1-dək ali təhsil müəssisələrinin magistraturalarına qəbul aparılan ixtisaslaşmaların müsabiqəsində iştirak etmək üçün internet vasitəsi ilə ixtisaslaşma seçimini yerinə yetirəcəklər. 2014-2015-ci tədris ili üçün magistraturaya qəbul aparılan ixtisaslaşmalar və digər zəruri məlumatlar 4 saylı “Magistr” jurnalında dərc olunmuşdur.

Facebook Şərhləndirmə:

Şərhinizi yazın