Menu
Geri İrəli

Sumqayıtda hansı məktəbdə “Rus dilinin intensiv tədrisi” layihəsi davam etdiriləcək?

Müəllif: sumqayitxeber.com • Tarix: 30 Avqust 2017 • Baxış sayı: 580 dəfə • Şərh yoxdur
Share Button

mektebTəhsil naziri Mikayıl Cabbarov “Rus dilinin intensiv tədrisi” layihəsinin davam etdirilməsi barədə əmr imzalayıb.

Təhsil Nazirliyindən AZƏRTAC-a bildiriblər ki, əmrə əsasən, ölkənin 50 ümumtəhsil müəssisəsində həyata keçirilən “Rus dilinin intensiv tədrisi” layihəsi çərçivəsində həmin müəssisələrdə tədris prosesinin təşkili və tənzimlənməsi təmin ediləcək.

2017-2018-ci dərs ilində Bakı şəhərinin 3, 12, 13, 36, 42, 45, 51, 63, 70, 95, 106, 129, 178, 193, 212, 238, 244, 245, 246, 250, 257, 263, 265, 272, 274, 275, 276, 278, 283, 284, 286, 292, 295 nömrəli tam orta məktəblər, 20 nömrəli məktəb-lisey və 43 nömrəli məktəb-lisey kompleksi, Gəncə şəhəri 5 nömrəli, Mingəçevir şəhəri texniki-humanitar liseyi, Sumqayıt şəhər 11 nömrəli, Şirvan şəhər 3 nömrəli, Abşeron rayonu Xırdalan şəhər 2 nömrəli, Şəki şəhər 5 nömrəli, Şamaxı şəhər 6 nömrəli, İsmayıllı rayonu Talıstan kənd, Zaqatala rayonu Əli Bayramlı kənd, Tovuz rayonu Ağbulaq kənd, Quba rayonu Əliməmmədoba kənd, Qusar rayonu Ləcət kənd, Masallı şəhər 2 nömrəli, Lənkəran rayonu Havzava kənd, Saatlı rayonu Məmmədabad kənd tam orta məktəblərinin I-IX siniflərində rus dilinin intensiv tədrisi üzrə Təhsil Nazirliyinin layihəsi davam etdiriləcək. Rus dili intensiv tədris edilən siniflərin 2017-2018-ci dərs ilinə aid tədris planı və tədris planına dair “Qeydlər” təsdiq edilib.

Əmrin icrasına nəzarət nazir müavini Ceyhun Bayramova həvalə olunub.

 

© Materiallardan istifadə edərkən hiperlinklə istinad olunmalıdır
Facebook Şərhləndirmə:
Share Button

Şərhinizi yazın