42 saylı Sumqayıt ikinci seçki dairəsindən deputatlığa namizəd Tahir Mirkişili “Stansi Sumqayıt” adlanan ərazidə seçicilərlə görüşüb.
Tədbirdə ötən dövr ərzində Tahir Mirkişilinin fəaliyyətini özündə əks etdirən hesabat videosu izlənilib. Daha sonra görüş dialoq şəklində davam edib.
Seçicilərin fikirləri, təklifləri dinlənilib və namizəd seçicilərin suallarını cavablandırıb.
Bu barədə T.Mirkişili rəsmi facebook səhifəsində paylaşım edib:
“İctimai hesabat, seçildiyimiz təqdirdə görə biləcəyimiz işlər barədə məlumat verdik. Sakinlərin problem və təkliflərini dinlədik. Bu əraziyə qəsəbə statusunun verilməsi əsas hədəflərimizdən biridir”.
