Menu
Geri İrəli

700 bal toplayan sumqayıtlı qız: “Adım qızıl medala salınmayıb”

Müəllif: sumqayitxeber.com • Tarix: 17 İyul 2013 • Baxış sayı: 211 dəfə • Şərh yoxdur

Tam 2 il “Araz” kurslarında hazırlıq keçmiş Flora Qafarova: “Arzuma çatdım”

Modern.az III ixtisas qrupu üzrə keçirilən qəbul imtahanlarının 700 bal toplamış üçüncü abituriyenti – Flora Qafarovanı təqdim edir.
Qafarova Flora Eldar qızı Sumqayıt şəhəri Texniki və Təbiət Elmləri Liseyini bitirib. 700 bal toplaması xəbərini eşidəndə sevincinin həddi-hüdudu olmadığını deyən F.Qafarova: “Arzum 700 balı toplamaq idi, özümə də əmin idim və nəticəni əldə etdim”.

“Araz” kurslarında hazırlıq keçən Flora məktəbdə yaxşı oxuduğu üçün elə də çətinlik çəkmədiyini deyir. “Məktəbdə hər zaman seçilmişəm. Ona görə hazırlaşanda narahatlıq yaşamadım. Tam iki il “Araz” kurslarında hazırlığa da getmişəm”.
F. Qafarova fənn olimpiadalarında da yer tutduğunu, amma adının qızıl medal alacaq namizədlərin siyahısına salınmadığını bildirib. “Azərbaycan dili fənninin və Vergilər Nazirliyinin olimpiadasında yer tutmuşam. Adım qızıl medala salınmayıb. Bunu nə mən istəmişəm, nə də məktəbdən irəli sürülüb”.
Yüksək nəticə əldə edən F. Qafarova xarici ölkədə oxumağı planlaşdırmadığını qeyd edib. “Qafqaz Universitetinin tərcüməçilik fakültəsində oxumaq istəyirəm. Hazırda xarici ölkədə oxumaq planım isə yoxdur”.
Aytən ƏLİYEVA

Facebook Şərhləndirmə:

Şərhinizi yazın