Menu
Geri İrəli

Əmlak Məsələləri Dövlət Komitəsinin sədri Sumqayıtda vətəndaşlarla görüşüb

Müəllif: sumqayitxeber.com • Tarix: 30 Noyabr 2017 • Baxış sayı: 516 dəfə • Şərh yoxdur
Share Button

Prezident İlham Əliyevin tapşırıqlarına uyğun olaraq, mərkəzi icra hakimiyyəti orqanlarının rəhbərləri bölgələrdə vətəndaşların qəbulunu keçirir, onların müxtəlif məsələlərlə bağlı müraciətlərinin, ərizə və şikayətlərinin müsbət həll olunması üçün tədbirlər görürlər. Növbəti belə qəbul noyabrın 30-da Əmlak Məsələləri Dövlət Komitəsinin sədri Kərəm Həsənov tərəfindən Sumqayıt şəhərində keçirilib.

AZƏRTAC xəbər verir ki, qəbuldan əvvəl Kərəm Həsənov və Sumqayıt Şəhər İcra Hakimiyyətinin başçısı Zakir Fərəcov ümummilli lider Heydər Əliyevin abidəsini ziyarət edib, önünə gül dəstələri düzüb, xatirəsini ehtiramla anıblar.

Qəbulda Sumqayıt şəhəri ilə yanaşı, Qubadlı rayonundan olan məcburi köçkünlər də iştirak edərək müraciətlərini səsləndiriblər. Komitə sədri Kərəm Həsənov qəbul keçirilən gün birbaşa müraciət edən vətəndaşların da müraciətləri və təkliflərini dinləyərək, hərtərəfli öyrənilməsi və qanunvericiliyə uyğun tədbirlərin görülməsi üçün nazirliyin müvafiq strukturlarının rəhbərlərinə tapşırıqlar verib. Vətəndaşların müraciətlərinin bir qismi yerindəcə həllini tapıb, qaldırılan digər məsələlər araşdırılması üçün nəzarətə götürülüb.

Qəbula gələn vətəndaşlar əsasən hərraclar yolu ilə dövlət əmlakının özəlləşdirilməsi, elektron şəkildə hərraclarda iştirak qaydaları, daşınmaz əmlakın sənədləşdirilməsi ilə bağlı müraciətlər ünvanlayıblar. Müraciətlərin bir qismi komitə tərəfindən yeni istifadəyə verilən qabaqcadan qeydiyyat mexanizmi və elektron çıxarış ilə bağlı olub. Müraciətlər sırasında torpaq sahəsinin sərhədlərinin dəqiqləşdirilməsi, vaxtilə yol verilmiş faktiki və sənəd uyğunsuzluqları ilə bağlı məsələlər də olub.

Komitə sədri hərrac prosedurları və üstünlükləri barədə məlumat verərək bildirib ki, vətəndaşlarımız keçirilən açıq və şəffaf hərraclar yolu ilə rahat şəkildə əmlaka yiyələnə bilir. Qeyd olunub ki, bu hərraclara vətəndaşlar olduqları yerdən ayrılmadan, onlayn qaydada qatıla bilərlər. Həmçinin hərrac keçirilən gün hərracın gedişatını canlı izləmək mümkündür. Bundan ötrü komitənin elektron resursu olan emdk.gov.az portalına daxil olmaq kifayətdir. Hərracda qalib olan şəxs aldığı əmlak üzərində mülkiyyət hüquqlarını təsdiq edən çıxarışı da qısa zamanda əldə edə bilir.

Qəbulda iştirak edən vətəndaşlara qabaqcadan qeydiyyat mexanizminin mahiyyət və faydaları barədə məlumat verilib. Bildirilib ki, vətəndaşlar artıq tikilməkdə olan evləri də müvafiq sənədlər əsasında qabaqcadan qeydiyyata aldıra bilərlər. Qabaqcan qeydiyyat mexanizmi bir mənzilin bir neçə şəxsə satılmasının, həmçinin alınan evin sahəsinin çox göstərilməsi kimi halların qarşısını alır. Digər elektron xidmət olan elektron çıxarış barədə ünvanlanan müraciətlərə isə cavab olaraq bildirilib ki, bu xidmət sayəsində vətəndaş öz arzusuna görə çıxarışı elektron və ya kağız formada əldə edə bilir.

Elektron kadastr ilə bağlı məsələlərə toxunan sədr Kərəm Həsənov qeyd edib ki, komitə tərəfindən ölkə üzrə torpaqların elektron kadastr uçotu məlumat bazasının yaradılması və rəqəmsal kadastr xəritələrinin hazırlanması işləri uğurla həyata keçirilir. Sumqayıt şəhəri üzrə daşınmaz əmlaklar haqqında elektron kadastr məlumat bazası yaradılıb və rəqəmsal kadastr xəritəsi tərtib edilib. Eyni zamanda, Sumqayıt şəhərinin bələdiyyə xəritəsi də hazırlanıb.

Qəbul zamanı sorğu xarakterli müraciətlərlə bağlı vətəndaşlara hüquqi izahatlar verilib. Komitə sədrinin qəbulda verdiyi tapşırıqlar nəticəsində bir sıra müraciətlər operativ həll olunub.

Sədr komitənin struktur və qurum rəhbərlərinə vətəndaş müraciətlərinə həssas yanaşılması, qanunvericiliyə əsasən cavablandırılması, vətəndaşlara göstərilən xidmətlərdə operativlik və şəffaflığın təmin olunması barədə tapşırıqlarını verib.

151202881034498268_1000x669 15120288104724621254_1000x669 15120288104938742947_1000x669 15120288105554250306_1000x669 15120288105563552681_1000x669

Facebook Şərhləndirmə:
Share Button

Şərhinizi yazın