Menu
Geri İrəli

Gəncə şəhəri 2016-cı ilin “Avropa gənclər paytaxtı” seçilib

Müəllif: sumqayitxeber.com • Tarix: 22 Noyabr 2013 • Baxış sayı: 303 dəfə • Şərh yoxdur
genceAvropa Gənclər Forumunun təşkil etdiyi müsabiqədə Gəncə şəhəri 2016-cı ilin “Avropa gənclər paytaxtı” seçilib.

sumqayitxeber.com APA-a istinadən verdiyi məlumata görə bu barədə European Youth Forum-un (Avropa Gənclər Forumu) rəsmi  saytında məlumat verilib. Məlumata görə, bu gün Yunanıstanın Saloniki şəhərində keçirilən tədbirdə Gəncəni şəhər icra hakimiyyəti başçısının birinci müavini Mikayıl Zeynalov təmsil edib. Nəticələr açıqlanandan sonra Avropa Gənclər Forumunun prezidenti Peter Matjasic çıxış edərək Gəncə haqda xoş sözlər söyləyib.

Gəncə müsabiqənin final mərhələsində Badajoz (İspaniya), Qalvay (Şimali İrlandiya), La Lagina (İspaniya), Varna (Bolqarıstan) və Vilnüs (Litva) şəhərləri ilə birlikdə mübarizə aparıb. Cənubi Qafqaz regionundan Tbilisi və Batumi şəhərləri müsabiqəni vaxtından əvvəl tərk ediblər.

Gəncənin 2016-cı ildə “Avropa gənclər paytaxtı” seçilməsində əmək sərf edən “Gənc Liderlər” TTİB-nın sədri Səbinə Ələkbərova bildirib ki, Gəncə artıq neçə ildir, yerli və beynəlxalq səviyyəli tədbirlərə ev sahibliyi edir və şəhər yerli və beynəlxalq səviyyəli tədbirlər keçirməkdə böyük təcrübəyə malikdir.

“Cənubi Qafqazda baş verən ilk belə haldır. Gəncəli gənclər şəhərlərinin Avropa Gənclər Paytaxtı olması üçün vaxtaşırı toplanıb və qədim şəhərin mövcud potensialının tanıdılması üçün maraqlı tədbirlər keçiriblər. Bütün bu görülən işlər və həyata keçirilən tədbirlər onu deməyə əsas verir ki, Gəncə Avropa Gənclər Paytaxtı olmağa layiq şəhərdir. Gəncənin “Avropa Gənclər Paytaxtı”  seçilməsi şəhərimizdəki gənclərin öz təşəbbüslərinin və beynəlxalq əlaqələrin inkişafı üçün növbəti bir təkan olacaq. Həmçinin regionda sosial və iqtisadi fəaliyyət də artacaq”, deyə S.Ələkbərova bildirib.

Qeyd edək ki, “Gənclər paytaxtı” adı şəhəri, Avropa Gənclər Forumu tərəfindən bir il müddətinə təltif olunur və bu şəhərlərdə mədəni, siyasi və sosial sahədə müxtəlif tədbirlər keçirilir.  İlk dəfə “Gənclər paytaxtı” adlı müsabiqəsi 2009-cu ildən keçirilib. Həmin titulu ilk dəfə Hollandiyanın Roterdam şəhəri qazanıb. İtaliyanin Turin şəhəri, Belçikanin Antverpen, Portuqaliyanin Braqa şəhəri olub. 2013-cü il Avropa Gənclər Paytaxtı Sloveniyanın Maribor şəhəri, 2014-cü ildə isə Yunanıstanın Saloniki şəhəri seçilib.

Facebook Şərhləndirmə:

Şərhinizi yazın