Menu
Geri İrəli

İkimərtəbəli Bakı-Sumqayıt qatarı: Bu necə olacaq?

Müəllif: sumqayitxeber.com • Tarix: 27 İyul 2015 • Baxış sayı: 1,056 dəfə • Şərh yoxdur

Sərnişinlər burda özlərini komfortda hiss edəcək.

Bakı-Xırdalan-Sumqayıt istiqaməti üzrə bu ilin sentyabrın 15-də xəttə buraxılması planlaşdırılan İsveçrənin “Stadler Rail Group” şirkətindən alınan ikimərtəbəli qatarlar platformada hazır vəziyyətdədir.

Oxu.Az-ın əməkdaşları qatarların vəziyyəti iə tanış olmaq üçün platformaya yollanıb.

Əməkdaşlarımıza qatarlar barəsində informasiyaları ikimərtəbəli qatarların maşinist-təlimatçısı Fikrət Kərimov məlumat verib.

F.Kərimovun sözlərinə görə, yeni qatarda ən müasir sistem mövcuddur:

 

“Burda bütün idarəetmə sistemi kompüter vasitəsilə idarə olunur. Elektron prosessorlar burda verilən komandaları demək olar ki, səhvsiz yerinə yetirirlər”.

Maşinist-təlimatçının sözlərinə görə, sərnişinlər burda özünü komfortda hiss edəcək:

“Bu qatarlar 160 km/surətlə hərəkət edir. Sərnişinlər özlərini yol boyu komfortda hiss edəcəklər. Belə ki, qatar kondisoner və Wİ-Fİ sistemi ilə təchiz edilib, oturacaqlar yumşaq və rahatdır”.

Təlimatçı əməkdaşlarımıza vaqonların sərnişin tutumu barəsində də məlumat verib:

“Birinci vaqon biznes-klass olmaqla, 88 nəfər sərnişin tutumuna malikdir. Bundan sonra iki orta vaqon 94 nəfər, digər vaqon isə 120 nəfər sərnişin tutur”.

Təlimatçı biznes-klass salonunda oturacaqların iki nəfərlik olduğunu və hər oturacaqda 220 voltluq cərəyanın olduğunu qeyd edib.

“Həm birinci, həm də ikinci mərtəbədə biznes-klass salonunun oturacaqları iki nəfərlikdir” – deyə, o qeyd edib.

Təlimatçı ilə söhbətimiz zamanı aydın oldu ki, yeni qatarların təhlükəsizlik sistemi də sərnişinlərin həyatlarının bir növ sığortasına təminat verir.

“Bu qatarda bütün təhlükəsizlik tədbirləri nəzərdə tutulub. Məsələn, əgər hansısa səbəbdən sərnişin qatarı saxlamaq istəyirsə, sol tərəfdə qırmızı rəngdə stop kranlar quraşdırılıb. Sərnişinlər istənilən vaxt qatarı saxlaya bilər. Onu da qeyd edim ki, əgər stop kranlar sərnişinlər tərəfindən qırıldıqda bu halda, maşinist 10 saniyə ərzində display vasitəsilə təhlükə barəsində məlumat almış olur. Burda həmçinin yanğınsöndürənlərin sayı da çoxdur”.

Kərimov ikimərtəbəli qatarları idarə etməyin köhnələrdən asan olduğunu da əlavə edib.

“Əvvəllər sərnişinlər stop kranları hardasa axtarmalı idi, amma indi konkret yerlərdə belə sistemlər quraşdırılıb. Maşinistlə hər vaqonda sərnişinlərin əlaqə qurması üçün xüsusi cihazlar var. Köhnə qatarlarda bu sistemlər çox zəif idi”.

Qatara baxış zamanı diqqətimizi çəkən kameralar oldu.

Kərimov bildirib ki, bu kameralar sərnişinlərin hər bir hərəkətini, eləcə də maşinistin qatarı necə idarə etməsini belə lentə alır. Kameralara xüsusi servis briqadası nəzarət edir.

Gələcəkdə bu qatarlar avto-pilot sistemi (yəni, qatar özü hərəkət edəcək, platformalar arasında dayanacaq, maşinist isə sadəcə qatara nəzarət edəcək) ilə idarə olunacaq.

Fikrət Kərimov qeyd edib ki, həmin sistem bu qatarlarda da var, ancaq hələ ki tətbiq olunmur.

“Yaxın gələcəkdə tətbiq olunması nəzərdə tutulub”.

Onu da əlavə edək ki, vaqonlararası xüsusi qapılarla təchiz olunub. Buna səbəb isə vaqonların içində olan soyuqluğun çölə çıxmağının qarşısını almaqdır.

Sərnişinlər çölə çıxmaq və yaxud qatara daxil olmaq istədikdə, xüsusi düyməni basmalıdır. Bu halda qapılar avtomatik açılır və bağlanır.

Bundan əlavə, qatarda fiziki qüsurlu şəxslərin rahatlığının təmin olunması üçün də xüsusi sistemlər quraşdırılıb. Bu, onların pilləkənlə düşmələrinə kömək olacaq. Fiziki qüsurlu şəxslərə isə hər vaqonda təyin olunmuş iki bələdçi nəzarət edəcək, həm də kömək olacaq.

Sərnişinlər bədbəxt hadisə baş verdiyi təqdirdə, çölə çıxmaq istəsələr, bu halda xüsusi materialdan hazırlanmış qırmızı rəngdə elastik nöqtəni çəkiclə sındırmalıdırlar. Bu halda zərbə bütün şüşəyə yayılacaq.

Kərimov əməkdaşlarımıza bildirib ki, qatarları idarə etmək üçün 4 nəfər Belarusun Minsk şəhərində təlim keçib.

“Növbəti 4 nəfərə isə burda təlim keçiriləcək. Onlar da bu qatarı öyrənəcəklər. Bununla bərabər hazırda servis işçiləri tədris keçirlər. Qatarı öyrənirlər” – deyə, o bildirib.

DSC_1466 DSC_1467 DSC_1470 (1) DSC_1470 DSC_1471 DSC_1472 DSC_1474 DSC_1476 DSC_1477 DSC_1479 DSC_1480 (1) DSC_1480 DSC_1481 DSC_1488 DSC_1489 DSC_1492 DSC_1496 DSC_1497 DSC_1498 DSC_1500 DSC_1503 (1) DSC_1503 DSC_1505 DSC_1507 DSC_1510 DSC_1511 DSC_1513 DSC_1516 DSC_1517 DSC_1519 DSC_1529 DSC_1530 DSC_1531 DSC_1533

 

Facebook Şərhləndirmə:

Şərhinizi yazın