Menu
Geri İrəli

Muxtar Babayev Litva Seymində – FOTOLAR

Müəllif: sumqayitxeber.com • Tarix: 18 May 2016 • Baxış sayı: 642 dəfə • Şərh yoxdur
Mayın 16-dan Litvada rəsmi səfərdə olan Azərbaycan-Litva parlamentlərarası əlaqələr üzrə işçi qrupunun rəhbəri Kamran Nəbizadə, milli məclisin üzvləri Muxtar Babayev və Elşad Həsənovun daxil olduğu nümayəndə heyətinin Litva rəsmiləri ilə görüşləri ayın 17-də davam edib.
 muxtar babayev
Bu barədə Azərbaycanın Litvadakı səfirliyindən məlumat verilib.
Bildirilir ki, həmin gün Litva seyminin spikeri Loreta Qraujinene, Litva xarici işlər nazirinin müavini Andrius Krivas, Seymdə Vətən Birliyi-Xristian Demokratları Siyasi Qrupun rəhbəri, keçmiş Baş nazir Andrius Kubilius, Seymdə Azərbaycan ilə parlamentlərarası əlaqələr üzrə qrupunun üzvləri və Litvada yaşayan həmyerlilərimiz ilə görüşlər keçirilib.
Görüşlərdə Milli Məclisin üzvləri qarşı tərəfə Azərbaycanın son illərdə iqtisadi, mədəni, təhsil və digər sahələrdə əldə etdiyi nailiyyətlərə dair, həmçinin aprelin 2-də erməni silahlı qüvvələri tərəfindən Azərbaycanın cəbhəyanı bölgələrdə məskunlaşmış dinc əhalinin yaşadığı məntəqələri iri çaplı silahlardan atəşə tutması nəticəsində təmas xəttində baş vermiş hərbi gərginlik barədə məlumat verilərək, Ermənistan-Azərbaycan Dağlıq Qarabağ münaqişəsinin həlli üçün ilk növbədə Ermənistan silahlı qüvvələrinin işğal olunmuş Azərbaycan ərazilərindən çıxarılmalı olduğunu bildiriblər.
Ermənistanın Azərbaycana qarşı davam edən təcavüzü bütövlükdə region dövlətləri üçün yaratdığı təhdid və təhlükə barədə qarşı tərəfi məlumatlandıraraq, Ermənistanın təcavüzkar siyasətinin bütövlükdə regionda sabitliyin bərqərar olmasına əngəl törətdiyini vurğulayıblar.
1463562126884934724_1000x669
Litva Seyminin spikeri Loreta Qraujinene ilə görüşdə millət vəkili Kamran Nəbizadə Milli Məclisin sədri Oqtay Əsədov tərəfindən xanım Qraujineneyə ünvanlanmış dəvət məktubunu təqdim edib.
Litva Seyminin sədri dəvətə görə minnətdarlığını bildirərək, səfərin tarixlərinin diplomatik kanallar vasitəsilə müəyyənləşdiriləcəyini qeyd edib. Parlamentlərarası əlaqələrin inkişafından məmnunluq ifadə edən L.Qraujinene ölkələrimiz arasında iqtisadi və humanitar sahələrdə əlaqələrin gücləndirilməsinin münasibətlərimizin daha da dərinləşməsinə təkan verəcəyini bildirib.
Seymdə Vətən Birliyi-Xristian Demokratları Siyasi Qrupun rəhbəri, keçmiş Baş nazir Andrius Kubilius ilə görüşdə iki ölkə arasında iqtisadi sahədə mövcud vəziyyətə dair fikir mübadiləsi aparılıb.
A.Kubilius Litvada enerji asılılığının azaldılması məqsədilə son illərdə Klaypedada maye təbii qaz gəmi-terminalının, eləcə də “LitPol Link” və “NordBalt” enerji qovşaqları kimi iri layihələrin həyata keçirildiyini qeyd etmiş və ölkəsinin Azərbaycan ilə iqtisadi sahədə əməkdaşlığın inkişafında maraqlı olduğunu bildirib.
Milli Məclisin üzvü Muxtar Babayev Azərbaycan tərəfindən energetika sahəsində həyata keçirilən layihələr haqqında ətraflı məlumat verib və bu gün Yunanıstanın Saloniki şəhərində Transadriatik boru kəmərinin (TAP) təməlinin qoyulması mərasiminin həyata keçirildiyini bildirib.
Litva xarici işlər nazirinin müavini Andrius Krivas ilə görüşdə iki ölkə arasında geniş spektrdə əlaqələrin inkişaf etdirilməsi üçün qarşılıqlı marağın mövcud olduğu qeyd edilib. Azərbaycan-Litva əlaqələrinin müxtəlif sahələr üzrə inkişafına dair fikir mübadiləsi aparılıb.
 14635621265631623722_1000x669
Litva seyminin Azərbaycan Respublikası ilə parlamentlərarası əlaqələr üzrə qrupu ilə keçirilmiş görüşdə tərəflər parlamentlərarası əlaqələrin iki ölkə arasında inkişaf edən münasibətlərə mühüm töhfə verəcəyinə əmin olduqlarını ifadə ediblər.
Hər iki ölkənin parlament üzvləri Azərbaycan və Litva arasında dostluq və əməkdaşlıq münasibətlərinin gələcəkdə daha da genişləndirilməsi istiqamətində birgə səylərin davam etdiriləcəyini bildiriblər. Litva seyminin Azərbaycan Respublikası ilə parlamentlərarası əlaqələr üzrə qrupun sədr müavini Mantas Adomenas Litva ilə Azərbaycan arasında siyasi, iqtisadi və humanitar əlaqələrin vacibliyini qeyd edərək Azərbaycanı mühüm bir regionda Litvanın müttəfiqi adlandırıb.
O, Dağlıq Qarabağ münaqişəsinə toxunaraq münaqişənin sülh yolu ilə və ədalətli həllinin tərəfdarı olduğunu və bunun da yalnız Azərbaycanın ərazi bütövlüyü çərçivəsində mümkün olduğunu bildirib.
Qrupun sədri Yuras Pojela isə Dağlıq Qarabağ münaqişəsi ilə bağlı ölkəsinin rəsmi mövqeyinin dəyişilməz olduğunu, Litvanın Dağlıq Qarabağı Azərbaycanın ərazisi kimi tanıdığını vurğulayıb.
O, Litva Seymində Azərbaycan Respublikası ilə parlamentlərarası əlaqələr üzrə qrupun üzv sayının çoxluğuna görə ən iri olduğunu, seymin 141 üzvündən 51-nin qrupa daxil olduğunu qeyd edib.
Bütün görüşlərdə Azərbaycanın Litvadakı səfiri Həsən Məmmədzadə də iştirak edib.

***

 

Azərbaycan ilə Litva arasında parlamentlərarası əlaqələrin genişləndirilməsi və müxtəlif istiqamətlərdə ikitərəfli münasibətlərin inkişaf etdirilməsi məqsədilə Milli Məclisin nümayəndə heyəti Litvaya rəsmi səfər edib.

Azərbaycan-Litva parlamentlərarası əlaqələr üzrə işçi qrupunun rəhbəri Kamran Nəbizadə, Milli Məclisin deputatları Muxtar Babayev və Elşad Həsənovun daxil olduğu nümayəndə heyəti cari il iyunun 16-da Litvanın Energetika və Səhiyyə nazirliklərində görüşlər keçiriblər.

Litva energetika nazirinin müavini Spruoqis Aleksandras ilə keçirilən görüşdə iki ölkə arasında energetika sahəsində əlaqələrin genişləndirilməsi perspektivləri nəzərdən keçirilib, qarşılıqlı maraq doğuran məsələlər ətrafında fikir mübadiləsi aparılıb.

Litvanın səhiyyə naziri, Litva Seyminin Azərbaycan ilə parlamentlərarası əlaqələr üzrə qrupunun sədri Yuras Pojela ilə keçirilən görüşdə isə Azərbaycan ilə Litva arasında səhiyyə sahəsində əlaqələrin inkişafı, o cümlədən Litvanın səhiyyə sahəsində fəaliyyət göstərən təhsil ocaqlarında azərbaycanlı tələbələrin təhsili məsələləri müzakirə olunub. Söhbət zamanı iki ölkə arasında parlamentlərarası əlaqələrin genişləndirilməsi, qarşılıqlı səfərlərin davam etdirilməsi, dostluq qrupları arasında daha sıx əməkdaşlıq münasibətlərinin vacibliyi vurğulanıb.

Görüşlərdə Azərbaycanın Litvadakı səfiri Həsən Məmmədzadə də iştirak edib.”

Azərbaycan-Litva parlamentlərarası əlaqələr üzrə işçi qrupunun rəhbəri Kamran Nəbizadə, Milli Məclisin deputatları Muxtar Babayev və Elşad Həsənovun daxil olduğu nümayəndə heyəti cari il iyunun 16-da Litvanın Energetika və Səhiyyə nazirliklərində görüşlər keçiriblər.

Litva energetika nazirinin müavini Spruoqis Aleksandras ilə keçirilən görüşdə iki ölkə arasında energetika sahəsində əlaqələrin genişləndirilməsi perspektivləri nəzərdən keçirilib, qarşılıqlı maraq doğuran məsələlər ətrafında fikir mübadiləsi aparılıb.

Litvanın səhiyyə naziri, Litva Seyminin Azərbaycan ilə parlamentlərarası əlaqələr üzrə qrupunun sədri Yuras Pojela ilə keçirilən görüşdə isə Azərbaycan ilə Litva arasında səhiyyə sahəsində əlaqələrin inkişafı, o cümlədən Litvanın səhiyyə sahəsində fəaliyyət göstərən təhsil ocaqlarında azərbaycanlı tələbələrin təhsili məsələləri müzakirə olunub. Söhbət zamanı iki ölkə arasında parlamentlərarası əlaqələrin genişləndirilməsi, qarşılıqlı səfərlərin davam etdirilməsi, dostluq qrupları arasında daha sıx əməkdaşlıq münasibətlərinin vacibliyi vurğulanıb.

Görüşlərdə Azərbaycanın Litvadakı səfiri Həsən Məmmədzadə də iştirak edib.

14634052746129936829_1000x669 14634052744068862317_1000x669

 

 

Facebook Şərhləndirmə:

Şərhinizi yazın