Menu
Geri İrəli

Sumqayıt məktəbliləri “Ölkəmizi tanıyaq” layihəsinə qoşulublar

Müəllif: sumqayitxeber.com • Tarix: 14 Noyabr 2016 • Baxış sayı: 430 dəfə • Şərh yoxdur

Prezident İlham Əliyevin təşəbbüsü ilə reallaşan, gənclərin və yeniyetmələrin vətənpərvərlik tərbiyəsinin daha da yüksəldilməsində, dünyagörüşünün formalaşmasında mühüm rol oynayan “Ölkəmizi tanıyaq” devizi ilə keçirilən maarifləndirici tur-aksiyaya Sumqayıt məktəbliləri də qoşulublar. Noyabrın 12-də şəhər ümumtəhsil məktəblərinin 40 şagirdindən ibarət qrup Gəncə-Şəmkir-Göygöl marşrutu üzrə yola düşüblər.

AZƏRTAC xəbər verir ki, Sumqayıtdakı Heydər Əliyev Mərkəzinə toplaşan məktəbliləri şəhər icra hakimiyyəti başçısının müavini Teymur Səmədov salamlayıb, şagirdlərə turun məqsədi barədə məlumat verib, gənc nəslə göstərilən dövlət qayğısından, gənclərin hərtərəfli inkişafı üçün yaradılan şəraitdən danışıb. Bildirilib ki, dörd gün ərzində reallaşacaq ekskursiyada məktəblilər tur-aksiyanın gedişatı ilə bağlı tam təlimatlandırılıb. Şagirdləri 4 müəllim və 1 həkim müşayiət edir.

Qeyd edilib ki, layihənin həyata keçirilməsi ölkə gənclərinin vətənpərvərlik, tarixi-mədəni irsimizə hörmət ruhunda tərbiyə olunması, məktəblilərin dünyagörüşünün daha da zənginləşməsi baxımından xüsusi əhəmiyyət daşıyır. Bu ekskursiyalar ölkәmizin tarixini dәrindәn öyrәnmәklә bərabər, gәnclәrimizә ümummilli lider Heydәr Әliyevin rәhbәrliyi ilә milli dövlәt quruculuğu sahәsindә görülmüş işlәrlә, Azәrbaycan Prezidenti İlham Әliyevin hәyata keçirdiyi dinamik sosial-iqtisadi inkişafla hәr bir şәhәr vә rayonun nümunәsindә tanış olmaq imkanı yaradır.

Məktəblilər və uşaqlarını yola salan valideynlər belə bir möhtəşəm tur-aksiyanın təşkilinə görə Prezident İlham Əliyevə minnətdarlıq ediblər.

Tur-aksiya iştirakçıları Mərkəzin qarşısında ümummilli lider Heydər Əliyevin abidəsini ziyarət edib, önünə tər güllər düzüblər.

Sonra Sumqayıt məktəbliləri avtobusla ekskursiyaya yollanıblar.

14789467743380733646_1000x669 14789467743543111550_1000x669 14789467745830346294_1000x669 1478946774264335482_1000x669 1478946774451518667_1000x669 14789467743287633213_1000x669

Facebook Şərhləndirmə:

Şərhinizi yazın