Menu
Geri İrəli

Sumqayıt şəhərinin 15 və 27 saylı orta məktəblərində müəllimlər üçün gender əsaslı zorakılıqla bağlı təlim keçirildi

Müəllif: sumqayitxeber.com • Tarix: 15 Fevral 2010 • Baxış sayı: 371 dəfə • Şərh yoxdur

7Potensial Sumqayıt Mütəxəssislər Birliyi BMT Əhali Fondunun “Gender Əsaslı Zorakılıqla Mübarizə” Layihəsinin dəstəyi ilə orta məktəb müəllimləri üçün təlimləri davam etdirir. Qeyd edək ki, həyata keçirilən layihədə əsas diqqət orta məktəb müəllimlərinə ümumi gender məsələləri, gender həssaslığı, gender əsaslı ayrı-seçkilik və gender əsaslı zorakılıq mövzularında təlimlər kеçməklə təlim iştirakşılarının bu barədə bilgilərini artırmaq, bu bilgilərin cəmiyyətdə geniş yayılmasına çalışmaq, beləliklə də, Azərbaycanda qadın hüquqlarına hörmətin təmin edilməsi və bütövlükdə qadınlara qarşı zоrakılıq və ayrı-sеçkilik hallarının aradan qaldırılması, gender bərabərliyi, qadınların dövlət idarəçiliyində, ölkənin ictimai-siyasi həyatında fəal iştirakını dəstəkləməklə cəmiyyətdə gender əsaslı zorakılığın aradan qaldırılmasına nail оlmağa yönəldilmişdir.

Layihə çərçivəsində növbəti təlim fevral ayının 13-də Sumqayıt şəhərinin iki orta məktəbində, 15 və 27 saylı orta məktəblərində təşkil olundu və fevralın 14-də davam etdirildi. 15 saylı orta məktəbdə təşkil edilən təlimdə məktəbin 17 müəllimi iştirak edirdi. Bunların 2-si kişi, 15-i qadın müəllimlər idi. Təlimi təlimçilər Günel İsmixanova və Anar Qasımov aparırdı. 27 saylı orta məktəbdə təşkil olunan təlimdə məktəbin 18 müəllimi iştirak edirdi. İştirakçıların hamısı qadın müəllimlər idi.

Təlimçilər təlimin məqsədi barədə qısa məlumat verdikdən sonra aşagıdakı mövzularda müzakirələr aparıldı:

Cins nədir və onları nə ilə fərqləndirmək olar?

Cins termininə və Gender termininə dair şərh

Cəmiyyətdə kişini və qadını xarakterizə edən əlamətlər

Gender Əsaslı Zorakılıq

Gender Əsaslı Zorakılığın səbəbləri

Gender stereotip və ehtimallarının öyrənilməsi

Zorakılığın formaları haqqında ümumi məlumat

Gündəlik həyatımızda zorakılıq və onun formaları

Qadın və qərarların qəbul edilmsi

Gender əsaslı zorakılıq milli və beynəlxalq qanunvericilikdə.

İnteraktiv metodla keçirilən təlimdə bütün iştirakçılar müzakirələrdə fəal iştirak edərək təlim mövzusu ilə bağlı yeni bilgilər əldə etdilər. Təlim zamanı gender əsaslı zorakılıqla bağlı film nümayiş etdirildi. İştirakçılar mövzunun aktuallığını və bu istiqamətdə tədbirlərin davamlı olması vacibliyini xüsusi qeyd etdilər. Sonda sorğu anketi vasitəsi ilə təlimin işi qiymətləndirildi. Təlim iştirakçılarına mövzu ilə bağlı sənədlər toplusu paylandı.  Feyruz Şivəxanov. Potensial SMB, Layihənin koordinatoru

54554

Facebook Şərhləndirmə:

Şərhinizi yazın