Menu
Geri İrəli

Ekalogiya nazirliyi Sumqayıtda ağacların kəsilməsi ilə bağlı hüquq-mühafizə orqanlarına müraciət edib

Müəllif: sumqayitxeber.com • Tarix: 14 Oktyabr 2013 • Baxış sayı: 215 dəfə • Şərh yoxdur

Sumqayıt şəhərində, Mehdi Hüseynzadə adına stadionun arxasında ağacların yandırılıb sonradan kəsilməsi ilə bağlı mətbuatda yayılmış məlumat Ekologiya və Təbii Sərvətlər Nazirliyinin (ETSN) müvafiq qurumlarının əməkdaşları tərəfindən dərhal yerindəcə araşdırılıb.

ETSN-dən Trend-ə verilən məlumata görə, nazirliyin əməkdaşları tərəfindən əraziyə baxış keçirilərkən təxminən 800 kvadratmetr sahənin yandığı və burada 150 ədəd şam və sərv ağacının yandıqdan sonra kəsildiyi müəyyən edilib.

Araşdırma zamanı məlum olub ki, sözügedən ərazidə yanğın hadisəsi bir müddət əvvəl baş verib və FHN-in ərazi üzrə Dövlət Yanğından Mühafizə İdarəsinin əməkdaşları tərəfindən söndürülüb.

Yanğının baş vermə səbəbi və ağacların kəsilməsində təqsirkar şəxslərin müəyyən edilməsi məqsədilə ETSN tərəfindən hüquq-mühafizə orqanlarına rəsmi məktub göndərilib.

Sumqayıt şəhər İcra Hakimiyyətindən alınan məlumata görə, sözügedən əraziyə hər hansı bir obyektin tikintisi üçün icazə sənədi verilməyib və gələcəkdə də belə bir sənədin verilməsi nəzərdə tutulmayıb. Lakin yerli sakinlərdən verilən məlumatlara əsasən, ağacların kəsildiyi yer naməlum iş adamının marağındadır. ETSN bu ehtimala əsaslanaraq sözügedən ərazini mühafizəyə götürüb və həmin yer tör-töküntülərdən təmizlənərək orada nazirlik tərəfindən ağac əkilir.

Facebook Şərhləndirmə:

Şərhinizi yazın