Menu
Geri İrəli

Sumqayıtda Qarabağ əlilinin hasarını sökdülər – FOTOLAR

Müəllif: sumqayitxeber.com • Tarix: 25 Avqust 2015 • Baxış sayı: 540 dəfə • 2 şərh

Atasından yadigar qalan torpaqda ev tikmək istəyən ll qrup Qarabağ əlili Murtuzov Şahin İgidulla oğlunun həyətinin hasarı dağıdılıb.

Müraciət edən vətəndaşın sözlərinə görə, əvvəlcədən heç bir xəbərdarlıq olunmadan əraziyə gələn şəxslər ağır texnika ilə hasarı uçurub, tikilməkdə olan evi də sökmək istəyib: “Ceyranbatan bağları 8-ci məhəllədə 340-cı yer mənə atamdan miras qalıb. Sənədləri də tam olan bu 6 sot torpaq 1979-cu ildə atama verilib. 5 ildir ki, mən bu ərazidə ev tikmək istəyirəm və İcra hakimiyyətinə müraciət etmişəm. Bu gün ustalar xəbər verdi ki, buldozer gəlib hasarı dağıdıb, evi də dağıtmaq istəyir. Tez həmin əraziyə getdim, 20-ə yaxın adam olardı. Sumqayıt şəhər İcra hakimiyyətinin Arxitektura və şəhərsalma idarəsinin əməkdaşları olduğunu dedilər. Mən də sənədlərimi göstərdim. ll qrup Qarabağ əliliyəm. Bu torpağa canımı, qanımı vermişəm, əlillik sənədimə deyir ki, bu heç. Mənə sökmək üçün heç bir sənəd göstərmirlər, bircə deyirlər ki, burada ev tikə bilməzsən. Deyir, qanunda belədir, ancaq mənə qanunu göstərmir. Ətrafdakı bütün ərazilərdə evlər tikilib. Xəritəçəkmədən bütün sənədlərim var. Əgər ev tikmək olmazsa, mənə möhürlü qanuna uyğun bir sənəd versinlər, mən də səbəbini bilim”.

qafqazinfo.az
1440490377_190955 1440490396_530733-1 1440490416_860446

Facebook Şərhləndirmə:

“Sumqayıtda Qarabağ əlilinin hasarını sökdülər – FOTOLAR” yazısına 2 cavab

  1. Atəş Alov deyir:

    Bu “qanun brakanyerlari” bilərəkdən əhalini incidirlər.Şəhərin mərkəzində ,səkilərdə qırılan ağaclrın yerinə tikilən ticarət mərkəzlərindən aldıqları küllü rüşvət onların gözünü kor edib.

  2. Atəş Alov deyir:

    Kasıb əhalidən bu yolla alınan pullar nə dövlətin xəzinəsinə nə də büddcəyə,ancaq şəxsi ciblərə gedir.

Şərhinizi yazın