Menu
Geri İrəli

Türk aktrisa sumqayıtlı dayəni döyüb

Müəllif: sumqayitxeber.com • Tarix: 26 Aprel 2011 • Baxış sayı: 165 dəfə • Şərh yoxdur

Türkiyənin məşhur aktrisalarından olan Nurgül Yeşilçay oğlunun dayəsi, azərbaycanlı İlahə Cəbrayılova adlı qadını döyüb.

Bu günlərdə türkiyə mətbuatında yer alan xəbərə görə, Nurgül Yeşilçayın əsəbiləşməsinə səbəb İlahənin Türkiyədə evlənmək üçün “Esra Erolla Evlən Mənimlə” proqramında iştirak etməsi olub. Proqramda Məmməd Güməş adlı şəxslə tanış olub, nişanlanan dayə işində məsuliyyətsizlik edib.

Nurgül Yeşilçay dayəni proqramda iştirak etdiyi günlərdə oğlu Osman Nejatın qayğısına qalmamaqda günahlandırıb və əlinə aldığı vaza ilə İlahənin üstünə hücum çəkib. 5 dəqiqə sonra əsəbiləri sakitləşən aktrisa İlahədən üzr istəyib və ondan hamamdakı paltarları toplamasını istəyib.

Ancaq Nurgül Yeşilçayın qəzəbindən qorxan İlahə onun saitləşməsindən istifadə edib və otaqdan çıxaraq qaçıb. Bu hadisə oteldə baş verib.

İ.Cəbrayılova deyib ki, həmin gecə aktrisa evə sərxoş gəlib: “Məni küçə söyüşləri ilə təhqir etdi. “Sənin sevgiliyə ehtiyacı var, get onunla yat” deyib üstümə hücum çəkdi. Cavab vermədiyimi görüb daha da əsəbiləşdi. Yəqin ki cavab versəydim, oradan meyitim çıxardı. Min lirə mənə borcu vardı, həmin pulu belə almadan gecənin yarısı oteldən qaçdım”.

Aktrisa isə dayənin dediklərini təkzib edib: “Oğlumu hamamda döyərkən yaxaladım, bu səbəbdən o qadınla işləməməyə qərar verdim”.

“Sumqayitxeber.com” saytına daxil olan məlumata görə türkiyədə yaşayan İlahə Cəbrayılova Sumqayıt sakinidir.

Facebook Şərhləndirmə:

Şərhinizi yazın