«Azərikimya» İB-nin konfrans zalında birlik rəhbərliyinin, şəhər ictimaiyyəti nümayəndələrinin, bir sıra təhsil müəssisələri, həmçinin yerli və respublika kütləvi informasiya vasitələri nümayəndələrinin iştirakı ilə Xocalı soyqırımı yad edilmişdir.
«Azərikimya» İB-nin Мüşahidə Şurasının sədri, Milli Мəclisin deputatı Muxtar Babayev, Sumqayıt Bələdiyyəsinin sədri Əbülfəz Babayev, şair-dramaturq Əvəz Mahmud Lələdağ tədbirdə çıxış edərək erməni faşistlərinin 20 il əvvəl törətdikləri vəhşiliyə öz münasibətlərini bildirmiş, tədbir iştirakçılarını heç vaxt unutqanlığa yol verməməyə, mübarizliyə səsləmiş, Azərbaycan Prezidenti İlham Əliyevin Qarabağ və işğal olunmuş digər Azərbaycan əraziləri ilə bağlı yürütdüyü daxili və xarici siyasəti dəstəkləyərək, aparılan uğurlu siyasət nəticəsində işğal altında olan torpaqlarımızın erməni qəsbkarlarından tezliklə azad ediləcəyinə əminlik ifadə etmişlər.
Sonda H.Ərəblinski adına Sumqayıt Musiqili Dram Teatrının aktyorlarının ifasında mərasim iştirakçılarına Xocalı faciəsinə həsr olunmuş tamaşadan fraqmentlər təqdim olunmuşdur.
Qeyd edək ki, Xocalı soyqırımının 20-ci ildönümünə həsr olunmuş anım mərasimləri «Azərikimya» İB-nin «Kimyalayihə» İnstitutunda, Etilen-polietilen, “Üzvi sintez” və Mexaniki Təmir zavodlarında, həmçinin Anbar Təsərrüfatı, Nəqliyyat və Xüsusi texnika İdarəsində də keçirilmişdir.