Menu
Geri İrəli

Azərbaycanda bu ərzaqlar 15 faiz bahalaşıb – SİYAHI

Müəllif: sumqayitxeber.com • Tarix: 13 Fevral 2017 • Baxış sayı: 431 dəfə • Şərh yoxdur
Share Button

Bu ilin yanvar ayında Azərbaycanda istehlak məhsullarının və xidmətlərin qiymətləri 2016-cı ilin yanvar ayına nisbətən 11,9%, o cümlədən ərzaq məhsullarının qiymətləri 14,5%, qeyri-ərzaq məhsullarının qiymətləri 12,3%, əhaliyə göstərilən ödənişli xidmətlərin qiymətləri 8% artıb.

Dövlət Statistika Komitəsindən Lent.az-a verilən məlumata görə, cari ilin yanvar ayında 2016-cı ilin dekabr ayına nisbətən istehlak məhsullarının və xidmətlərin qiymətləri 2,3%, o cümlədən ərzaq məhsullarının qiymətləri 2,8%, qeyri-ərzaq məhsullarının qiymətləri 2,0%, əhaliyə göstərilən ödənişli xidmətlərin qiymətləri isə 1,9% artıb.

Ay ərzində düyü, un, qarabaşaq yarması, makaron məmulatları, mal, qoyun və toyuq əti, kolbasa məmulatları, balıq məhsulları, süd məhsulları, pendir və yumurta, kərə və bitki yağları, şəkər və şəkər tozu, qəhvə, çay və kakao, alma, armud, heyva, nar, portağal, naringi, banan, kələm, göyərti, pomidor, xiyar, kartof, soğan, sarımsaq, yerkökü, çuğundur qiymətlərində artım müşahidə olunub. Digər ərzaq məhsullarının qiymətlərində ciddi dəyişikliklər baş verməyib.

Bildirilir ki, 2017-ci ilin yanvar ayında 2016-cı ilin dekabr ayı ilə müqayisədə qeyri-ərzaq məhsullarından parçalar, geyim və ayaqqabılar, inşaat materialları, mebel və ev əşyaları, zərgərlik məmulatları, xalça və digər döşəmə örtükləri, şüşə məmulatları, yemək qabları və əşyalarının, məişət cihazları, kompüterlər, dəftərxana ləvazimatları, minik avtomobilləri və onlar üçün ehtiyat hissələrinin qiymətlərində bahalaşma müşahidə olunub. Digər qeyri-ərzaq məhsullarının qiymətlərində ciddi dəyişikliklər baş verməyib.

Bundan başqa, ay ərzində əhaliyə göstərilən ödənişli xidmətlərdən MDB ölkələrinə dəmiryolu və hava nəqliyyatı ilə sərnişindaşıma xidmətlərinin qiymətlərində azalma, digər ölkələrə hava nəqliyyatı xidmətlərinin, məişət cihazlarının və avtomobillərin təmiri xidmətlərinin, tibbi və stomatoloji xidmətlərin, mənzillərin icarə haqlarının, otel və mehmanxanalar tərəfindən göstərilən gecələmə xidmətlərinin qiymətlərində artım müşahidə olunub. Digər ödənişli xidmətlərin qiymətlərində ciddi dəyişikliklər baş verməyib.

Facebook Şərhləndirmə:
Share Button

Şərhinizi yazın