Menu
Geri İrəli

Tayvanlı xanımla sumqayıtlı gəncin facebookda virtual intim macəraları

Müəllif: sumqayitxeber.com • Tarix: 14 İyul 2016 • Baxış sayı: 1,961 dəfə • Şərh yoxdur
Share Button
1468413997_13652287_1114344368625645_1142814355_nBu dəfə diqqətinizə çatdıracağım mövzü hazırda çox aktualdır. Həmçnini bizim milli–mənəvi dəyərlərimizə görə xoş gəlməzdir. Bir yaxın adamım – dostum mənim ona kömək etməyimi xahiş etdi və sonra da bildirdi ki, sən belə kömək edə bilmərsən daha. Nə qədər xahiş elədim, de, bəlkə köməkliyim dəyər… O isə bildirdi ki, müəyyən maliyyə qarşılığında həll etdim, narahat olma və başqa heç bir məlumat vermədi.
Bu məsələdən duz 1 ay keçdi. Oturub süfrə arxasında bir tikə yeyib-içdikdən sonra qəsdən bu məsələni soruşdum. Soruşmaqda məqsəd isə onun içkili olmasından istifadə edərək 1 ay öncə baş vermiş olay haqqında məlumat almaq idi. Bu yolla dostumun problemi haqda məlumat əldə edəcəyimi düşündüm. Uzun inadkarlığımdan sonra axır həmin adam problemin necə baş verməsi haqda bütün məlumatları açıb danışdı. Deməli hadisə belə olub. Günlərin bir günü Facebook-da Tayvanlı bir qız bu şəxsə dostluq göndərir və hardasa normal haldır ki, kişi xeylağı kimi xanımın dostluğunu qəbul edir. Bir müddət salam-sağol, xoş beş on beş, ünsiyyət saxlayırlar.
Qız dostumun harda oxuduğunu, işlədiyini dəqiqləşdirdikdən sonra onu skype-da görüntülü danışığa dəvət edir. Birinci özünü normal, mədəni xanım kimi qələmə verdikdən sonra o, dostumu skype vasitəsilə virtual intimə dəvət edir. İnsanların seks azadlığı ilə milli adət ənənələr arasında böyük uçurumun olduğu bir diyarda, mental dəyərlərin, tabuların hökm sürdüyü bir məkanda bu gənc düşünür ki, kim nə biləcək skype –da mən nə edirəm?! Başlayır o xanımla virtual intim həyata… Əvvəlcə dostum qıza nə deyirsə, o canla-başla ekranın o biri tərəfində kamera qarşında edir.
Bir müddət də keçdikdən sonra artıq Tayvanlı qız dostuma bəzi ismarıclar – “sifariş”lər verir. Dostum da etmir tənbəllik, yerinə yetirir. Elə bu andan da dostumun qara günləri başlayır. Qız skype vasitəsilə virtual intim hərəkətlər zamanı kamera vasitəsi ilə dostumu online – bütünlükdə çəkir. Bundan sonra onu təhdid etməyə başlayır. Məktublarında dostumun bütün çəkilişlərini işlədiyi müəssisənin, oxuduğu tədris mərkəzi, dostluğunda görünən qohum və tanışlarının facebook səhifələrinin məktublar bölməsinə göndərəcəyini screen shotlar-la göstərir. Təhdidin əsas tərəfi isə – 1000 ABŞ dolları civarında bütün çəkilişləri siləcəyini söz verir. Dostum o zaman çox düşünür mənə müraciət edir. Amma anlayır ki, bu şikayət və ya kiminsə köməyi onu bu təhdiddən qorumayacaq. Odur ki, hər yerdə biabır olacağından çəkinib həmin Tayvanlı qıza VİSA kartının üzərindəki 16 nömrəli rəqəmi və CVC şifrəni təqdim edir. Bu qız kartdan 1000 dolları çəkib səhifəsini dondurur və beləcə dostum da öz facebook hesabını bağlayır ki, daha təhdid olunmasın. Bütün bunları mənə danışdıqdan sonra bu mövzünü bir az araşdırmağı düşündüm ki, daha kimlər təhdid olunub.
Araşdırmam zamanı ətarfımda tanıdığım insanlardan bəzisinin belə təhdid nəticəsində 50, 100, 200 və 500 ABŞ dolları “tərlədiklərini” öyrəndim. Sonra həmin qızları tapmağı qərarlaşdırdım. Facebook səhifəmdə statusum “işsiz” qeyd olunduğu üçün belə fırıldaqçı qızların mənimlə əlaqə qurmaqda maraqlı olmadıqlarını anladım. Bu gün isə axır ki, ingiliscəsi zəif olan biri ilə əlaqə yarada bildim. Yuxarda qeyd elədiyim kimi, hər bir sorğulama addım – addım davam etdi.
Məsələ gəlib təhdidə çatanda qeyd elədim ki, işləmirəm, sənə dediklərim yalan idi iş barəsində. O isə yaxınlarıma videogörüntülərimi göndərəcəyini bildirəndə, öz növbəmdə mən onun kimi qızları axtardığımı, araşdırma apardığımı söylədim.
Bundan sonra artıq mənə heç nə yazmadı və mənim əvvəllər işlədiyim şirkətlərin facebook səhifələrinin məktub bölməsinə göndərdiyi screen shot-larını mənə göndərərək “sənin həyatını qara edəcəyəm” yazdı. Üstəlik, bir dostuma da göndərdiyinin screen shotu-nu göndərdi mənə. Bütün bu araşdırmanı öz üzərimdə aparmağa isə hazırda iş yerimin olmaması və əsas səbəb subay olduğum üçün qərar verdim. Mənim çəkilişim isə çox az idi. İndi isə diqqətli olun bu qızların İP ünvanı Tayvan deyil, İndoneziyadır. Və belə anlayıram ki, bunlara məhz Azərbaycan kimi milli adət-ənənələrin hökm sürdüyü ölkələrin vətəndaşlarını təhdid etmələri ilə bağlı kimlərsə kömək edir.
Hörmətli bəylər, görüntülü danışıq zamanı ehtiyatlı olun.
Emin Əli, xeberle.com
Facebook Şərhləndirmə:
Share Button

Şərhinizi yazın