Avstriya parlamentində ilk dəfə olaraq Azərbaycan və Türkiyə parlamentləri ilə iş üzrə vahid işçi qrupunun yaradılması iki ölkə ilə münasibətlərdə yeni mərhələnin əsasını qoyub. Bu barədə Milli Məclisin deputatı Tahir Mirkişili sosial şəbəkədə paylaşım edib.
Deputatın sözlərinə görə, Azərbaycanın və Türkiyənin Şərq-Qərb nəqliyyat xətti boyunca – xüsusilə Orta Dəhlizdə – həyata keçirdiyi vahid iqtisadi siyasət Avstriyanı da bu iki qardaş ölkə ilə münasibətlərdə yeni, dostluğa əsaslanan format yaratmağa təşviq edib.
Tahir Mirkişili qeyd edib ki, Avstriya parlamentariləri ilə Azərbaycan və Türkiyə nümayəndələri arasında aparılan müzakirələr bu əməkdaşlıq modelinin uğurlu olacağına ciddi əsaslar verir. İlk görüşlər tərəflər arasında iqtisadi, parlamentar və humanitar sahələrdə dialoqun daha da dərinləşəcəyini göstərir.
Yeni yaradılan formatın qarşıdakı dövrdə üç ölkə arasında parlament diplomatiyası, iqtisadi əlaqələr və regional təhlükəsizlik məsələlərində əməkdaşlığı gücləndirəcəyi gözlənilir. Deputat bunu “maraqlı və gələcəyə hesablanmış təcrübə” kimi dəyərləndirib.
Müzakirə qapadılmışdır.