14 may 2011-ci il tarixində Sumqayıt İnformasiya Texnologiyaları Akademiyasında “Gənclərin Rəyi Araşdırmalar Mərkəzi” təşkilatın nəzdində qurulan Gənclərin Düşüncə Klubu çərçivəsində Azərbaycanın Avropaya İntegrasiyasında Yeni İmkanlar mövzusunda növbəti mühazirəsini təşkil edib.
Tədbiri giriş sözü ilə açan təşkilatın təsisçisi İsmayıl Kərimov təbbirin mahiyyəti haqqında məlumat verdi. Sonra mühazirəçi Amerika Ticarət Palatasının qanunvericilik və siyasət departamentinin müdiri Şahid Şükürov mövzu ətrafında iştirakçılara təqdimatını çatdırdı. Mühazirədə Qurban Səidin Əli və Nino əsərindən nümunələr gətirilərək Azərbaycanın Avropaya inteqrasiyasının sadəcə coğrafi və geopolitik bir məsələ olmadığını, bu məsələnin eyni zamanda mədəni dəyərlərlə əlaqəli olduğunu gənclərə çatdırdı. Mühazirədə Avropaya inteqrasiya məsələsində iqtisadi, siyasi və sosial kriteriyalar haqqında məlumat verərək demokratiya və insan hüquqları məsələlərinin Avropa integrasiyasında prioritet məsələlər olması vurğulandı. Mühazirədən sonra iştirakçılar mövzu ətrafında müzakirələr apardılar. Müzakirələrdə Avropaya inteqrasiya məsələsində cəmiyyətin inteqrasiyada iştirakın vacibliyini, bu məsələdə mədəni dəyərlərin rolu iştirakçılar tərəfindən vurğulandı.
What a pleasure to find someone who tnhkis through the issues