46 saylı Sumqayıt seçki dairəsinin deputatı seçiciləri dinləyib
16 yanvar 2025-ci il tarixində 46 saylı Sumqayıt beşinci seçki dairəsinin deputatı Elnarə Akimova növbəti vətəndaş qəbulu keçirib. Seçicilərlə görüş zamanı vətəndaşlar öz problemlərini, təkliflərini və onları narahat edən müxtəlif məsələləri deputata çatdırıblar.
Görüşdə iştirak edən vətəndaşların müraciətləri əsasən sosial təminat, məşğulluq və su təchizatı problemləri ətrafında olub. Deputat hər bir müraciəti diqqətlə dinləyib və nəzarətə götürüb.
Elnarə Akimova vətəndaşların müraciətlərinin həlli istiqamətində müvafiq addımlar atacağını vurğulayıb. O, seçicilərin problemlərinin həllinə kömək etmək üçün davamlı olaraq çalışacağını qeyd edib. Görüşün əsas məqsədi vətəndaşlarla birbaşa ünsiyyətdə olmaq, onların qayğı və ehtiyaclarını daha dərindən anlamaq olub.
Müzakirə qapadılmışdır.