SDU-nun rektoru Rüfət Əzizov 633 bal toplayan tələbə ilə görüşərək onu təbrik edib, uğurlar arzulayıb. Universitetin uğurlu gənclərlə gələcəyə daha inamlı addımlar atacağını qeyd edib.
Qeyd edək ki, Sumqayıt Dövlət Universitetinin (SDU) 2024-2025-ci tədris ili üzrə nəticələri əvvəlki illə müqayisədə əhəmiyyətli dərəcədə yaxşılaşıb.
Bu il SDU-ya ümumilikdə 1499 tələbə qəbul olunub ki, bu da keçən ilin 1374 tələbəsi ilə müqayisədə 9% artımı göstərir. Eyni zamanda, ən yüksək nəticə 633,2 bal təşkil edib, ötən il isə bu göstərici 551,9 bal idi. Tələbələrin orta qəbul balı da yüksələrək 326-ya çatıb (keçən il 290). Xüsusilə, 500-dən yuxarı bal toplayan tələbələrin sayında nəzərəçarpan artım müşahidə olunub. 2024-2025-ci tədris ilində 20 tələbə bu nəticəni əldə edib, keçən il isə bu göstərici yalnız 1 tələbə idi. 400-dən yuxarı bal toplayan tələbələrin sayı isə 205-ə çatıb, keçən il isə bu rəqəm 45 idi.
Müzakirə qapadılmışdır.