Sumqayıt Dövlət Universiteti (SDU) növbəti həftə ölkə üzrə ən böyük elmi tədbirlərdən birinə ev sahibliyi edəcək. Doktorant və Gənc Tədqiqatçıların XXVII Respublika Elmi Konfransı (#NASCO XXVII) universitetdə keçiriləcək.
Konfrans çərçivəsində iki gün ərzində ölkəmizin müxtəlif universitetlərindən, elmi-tədqiqat institutlarından, elmi mərkəzlərdən, eləcə də xaricdə təhsil alan 400-dən artıq tədqiqatçı SDU-da bir araya gələcək. Ümumilikdə 251 doktorant və gənc tədqiqatçı öz elmi işlərini təqdim edəcək.
NASCO interdisiplinar bir platforma olaraq müxtəlif ali təhsil müəssisələrində və elmi-tədqiqat institutlarında təhsil alan gənc tədqiqatçıların, tədqiqat sahəsindən asılı olmayaraq, bir-biri ilə kommunikasiya qurmasına xidmət edir.
Son 10 konfransda ümumilikdə 3640 tədqiqatçı məruzə ilə çıxış etmişdir. Bu da NASCO-nun gənc tədqiqatçılar üçün elmi-tədqiqat nəticələrini təqdim edə biləcəkləri vacib bir platforma olduğunu bir daha sübut edir.
Tədbirin elmi müzakirələr, yeni yanaşmaların paylaşılması və gənc tədqiqatçılar arasında əməkdaşlıq əlaqələrinin qurulmasına töhfə verməsi gözlənilir.
Müzakirə qapadılmışdır.