Aprelin 2-də Sumqayıt Dövlət Universitetinin Tələbə Həmkarlar İttifaqı Komitəsinin və Tələbə Gənclər Təşkilatının təşəbbüsü ilə Aprel döyüşlərinin 9-cu ildönümünə həsr olunmuş “Böyük Zəfərin Başlanğıcı” adlı tədbir keçirilib.
Əvvəlcə tədbir iştirakçıları universitetin həyətində şəhidlərin xatirəsinə ucaldılmış abidənin önünə gül dəstələri düzüblər.
Universitetin kiçik akt zalında davam edən tədbirdə vətənimizin ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.
Sosial məsələlər və ictimaiyyətlə əlaqələr üzrə prorektor dosent Elmar Xəlilov çıxış edərək, Azərbaycan ordusunun xalqımıza yaşatdığı tarixi qələbədən danışıb. Vurğulayıb ki, Aprel döyüşlərində qazanılan qələbə Azərbaycan Respublikasının Prezidenti cənab İlham Əliyevin uzaqgörən siyasəti, orduya göstərilən qayğı, əsgər və zabitlərin peşəkarlığının nəticəsidir.
SDU-nun şəhid məzunu, Aprel döyüşləri qəhrəmanı Mikayıl Vahabzadənin anası Rumiyyə Vahabova çıxış edərək, övladının tələbəlik illərindən, Vətənə olan sevgisindən söz açıb, iştirakçılarla xoş xatirələrini bölüşüb. Azərbaycan ordusunun Aprel döyüşlərində göstərdiyi şücaət və qazanılan qələbənin xalqımızda böyük ruh yüksəkliyi yaratdığını vurğulayıb. O, ordumuzun gücünü və qətiyyətini ortaya qoyduğunu, eyni zamanda xalqımızın birliyini, həmrəyliyini və vətənpərvərliyini dünya səviyyəsində nümayiş etdirdiyini qeyd edib.
Sumqayıt Dövlət Universitetinin rektor müşaviri, Energetika kafedrasının professoru Tamella Əhmədova şəhid məzunun təhsil və həyat yolundan bəhs edib, Mikayıl Vahabzadənin əziz xatirəsini ehtiramla anıb.
Sonra SDU-nun Riyaziyyat fakültəsinin baş müəllimi Aprel döyüşlərinin iştirakçısı Nicat Həsənli Aprel döyüşlərində erməni işğalçılarının cəbhədə törətdiyi təxribatlara Azərbaycan ordusunun verdiyi layiqli cavabdan, hərbçilərimizin şücaətindən, qazanılan qələbənin əhəmiyyətindən, özünün döyüş yolundan danışıb.
Tarix və coğrafiya fakültəsinin dekanı, professor Adil Baxşəliyev çıxış edərək Azərbaycan xalqına qələbələr yaşadan bütün şəhidlərin xatirəsinin daim əziz tutulduğunu və gənc nəslin vətənpərvərlik ruhunda tərbiyələnməsində hər bir şəhidin şücaətinin bir nümunə olduğunu diqqətə çatdırıb.
Tarix və coğrafiya fakültəsinin tələbəsi Mərdan Hüseynov Ali Baş Komandan İlham Əliyevin rəhbərliyi ilə Azərbaycan ordusunun 44 günlük Vətən müharibəsində şanlı qələbəsi haqqında danışıb. Şəhidlərimizə Allahdan rəhmət, qazilərimizə isə şəfa diləyib.
Müzakirə qapadılmışdır.