Sumqayıt Regional Mədəniyyət İdarəsinə tabeli N.Nərimanov adına Mədəniyyət Mərkəzində 26 iyun Silahlı Qüvvələr Gününə həsr olunan “Heydər Əliyev və Azərbaycanda ordu quruculuğu” mövzusunda tədbir keçirilib.  Tədbirə gənc rejissor Adil Səfərov aparıcılıq edib. Konsertdə müğənnilər Pənah Məmmədli, Əli Əzizoğlu, Həvəs Bayramova, Fərid Abdullazadə, saz ifaçısı Anar Laçınlı rəngarəng musiqi nömrələri, “Tərəqqi” medallı, Respublikanın Əməkdar artisti, Sumqayıt Dövlət Dram Teatrının aktyoru, Rauf Ağakişiyevin ifasında “Qarşınızda bir ömür sayğı duruşundayız” şeiri səsləndirilib. Tədbirdə müğənniləri gənclərdən ibarət “Forte band” ansamblı müşayiət edib.