Xidmət Sahələri üzrə Sumqayıt Dövlət Peşə Təhsil Mərkəzində “İnsan alveri və məişət zorakılığı” mövzusunda maarifləndirici tədbir keçirilib.
Tədbirdə qonaq qismində Sumqayıt şəhər İcra Hakimiyyətinin başçısının müavini, məişət zorakılığının qarşısının alınması sahəsində monitorinq və əlaqələndirmə qrupunun rəhbəri Ülviyyə Müzəffərova, Beynəlxalq dərəcəli təlimçi Günel Ələkbərova, “Qadın Təşəbbüsü və Sosial Problemlərin Həllinə Yardım” İctimai Birliyinin rəhbəri Zemfira Mustafayeva və Sumqayıt şəhər İcra Hakimiyyəti Başçısı yanında “Uşaq Hüquqlarının Müdafiəsi” üzrə Komissiyanın aparıcı məsləhətçisi Aynur Eyvazova iştirak ediblər.
Tədbiri giriş sözü ilə açan mərkəzin direktoru Gülşən Ömərova tələbələrə görüşün əhəmiyyətindən bəhs edərək, insan alveri və məişət zorakılığı ilə mübarizə sahəsində maarifləndirici tədbirlərin gənclər arasında məlumatlılığın artırılması baxımından xüsusi rol oynadığını vurğulayıb.
Daha sonra çıxış edən qonaqlar mövzu üzrə insan alverinin formaları, məişət zorakılığının yaranma səbəbləri, hüquqi çərçivə, dövlətin bu sahədə həyata keçirdiyi müdafiə mexanizmləri, eləcə də zorakılıq halları ilə üzləşən şəxslərin müraciət edə biləcəyi qurumlar barədə ətraflı məlumat veriblər. Tələbələrə maarifləndirici tövsiyələr səsləndirilib.
Görüş interaktiv şəkildə davam edib, tələbələrin sualları cavablandırılıb və mövzu ətrafında müzakirələr aparılıb.
Müzakirə qapadılmışdır.