Sumqayıt Bələdiyyəsi şəhər ərazisində küçə və məhəllədaxili yolların işıqlandırılması ilə bağlı tədbirlərini uğurla davam etdirir. Bu çərçivədə bir sıra ərazilərdə yüksək keyfiyyətli küçə işıqları quraşdırılıb.
Son olaraq Bələdiyyə tərəfindən “Xəzər bağları” adlanan yaşayış massivinin “Novruz” küçəsində küçə işıqları quraşdırılıb. Eyni zamanda, “Beton Zavod” yaşayış massivinin Nigar Rəfibəyli küçəsində də yeni küçə işıqları quraşdırılıb.
Bununla yanaşı, Sumqayıt Bələdiyyəsi “Xəzər bağları” yaşayış massivində yerləşən “Suqovuşan” küçəsində də işıqlanma işlərini həyata keçirir. Bu tədbirlər sakinlərin qaranlıq vaxtlarda rahat və təhlükəsiz hərəkət etməsini təmin etməyi hədəfləyir.
Qeyd edək ki, Bələdiyyə tərəfindən şəhərin işıqlandırma infrastrukturunun təkmilləşdirilməsi il ərzində davam etdiriləcək. Bu tədbirlər Sumqayıtın qaranlıq küçələrinin tam işıqlandırılmasını hədəfləyən genişmiqyaslı layihələrin bir hissəsidir.
Müzakirə qapadılmışdır.