Bu gün Sumqayıt şəhər Gənclər mərkəzində şəhər İcra Hakimiyyətinin təşəbbüsü ilə Milli Məclisin deputatları Muxtar Babayev və Tahir Mirkişilinin Sumqayıt şəhər mədəniyyət işçiləri ilə görüşü keçirilib.
Görüşdə deputatlar dünyada baş verən ictimai-siyasi hadisələr, ölkənin sosial-iqtisadi durumu, qeyri neft sektorunun inkişafı, siyasi sabitlik və mədəniyyət siyasəti ilə bağlı fikirlərini bildiriblər. Millət vəkilləri ölkənin siyasi-iqtisadi inkişafı və mədəniyyət sahəsində uğurların qazanılması yolunda mədəniyyət işçilərinin üzərinə düşən vəzifələrə toxunub.
Görüşdə Sumqayıtda mədəniyyət sahəsini əhatə edən problemlərdən də geniş söhbət açılıb və həlli yolları müzakirə edilib. Sumqayıt şəhər Mədəniyyət və Turizm idarəsinin rəisi Mehman Şükürov çıxış edərək son üç ayda mədəniyyət müəssisələrində keçirilən tədbirlər haqında qısa məlumat verib və deputatları mədəniyyət işçiləri ilə sıx əməkdaşlığa çağırıb.
Tədbirin sonunda deputatlar mədəniyyət işçiləri və KİV nümayəndələrinin suallarını cavablandırıb, təkliflərini dinləyiblər.
Müzakirə qapadılmışdır.